चारित्रचूड़ामणि आचार्य श्री वीरसागर स्तुति:

चारित्रचूड़ामणि
आचार्य श्री वीरसागर स्तुति:

(सप्तविभक्ति समन्वित)
श्रीवीरसागराचार्य:, पट्टसूरि: सु विश्रुत:।
श्रीवीरसागराचार्यं, वंदे भक्त्या पुन: पुन:।।१।।

शिष्या: सुशिक्षिता: नित्यं, वीरसागरसूरिणा।
नमोऽस्तु भक्तिभावेन, वीरसागरसूरये।।२।।

श्रीवीरसागराचार्यात्, ख्याता पट्टपरम्परा।
श्रीवीरसागरस्यापि, गांभीर्यादिगुणा: स्थिता:।।३।।

श्रीवीरसागराचार्ये, विद्वान्सोऽपि नता मुदा।
श्रीवीरसागराचार्य! कृपां कृत्वा पुनीहि माम्।।४।।