तीस चौबीसी स्तुति-(संस्कृत)

सिद्धिं प्राप्ताश्च प्राप्स्यंति, भूता सन्तश्च भाविन:।
भरतैरावतोद्भूतास्तीर्थंकरा अवंतु मां।।१।।

जंबूद्वीपेऽत्र विख्याते, मध्यलोकस्य मध्यगे।
भरतो दक्षिणे भागे, उदीच्यैरावतो मत:।।२।।

पूर्वस्मिन् धातकीद्वीपेऽपरधात्र्यामपि त्विमौ।
भरतैरावतौ द्वौ द्वौ, दक्षिणोत्तर भागिनौ।।३।।

पूर्वार्धपुष्करेप्येवं, पश्चिमार्धे तथेदृशौ।
भरतैरावते क्षेत्रे, अपागुदग्दिशोश्च ते।।४।।

पंच भरतक्षेत्राणि, पंचैवैरावतान्यपि।
दशैषामार्यखंडेषु, षट्कालपरिवर्तनं।।५।।

चतुर्थेऽप्यागते काले चतुर्विंशतयोर्जिना:।
तीर्थेश्वरा: भवंतीह, धर्मतीर्थप्रवर्तका:।।६।।

भूतकाले भवा एते, वर्तमानेऽप्यनागते।
भवंति च भविष्यंति, तेभ्यो नित्यं नमोऽस्तु मे।।७।।

एवं दशसु क्षेत्रेषु, त्रिकालापेक्षया इमे।
त्रिशच्चतुा\वशास्ते, तीर्थेशा: संतु मे श्रियै।।८।।

एतां स्तुतिं पठेत् यौऽसौ, सर्वकल्याणभाक् पुन:।
पंचकल्याणमप्याप्य, धर्मतीर्थाधिपो भवेत्।।७।।

अनंतानंतकालं स:, परमानंदसद्मनि।
केवलज्ञानमत्यामा, लक्ष्म्या नित्यं सुखी वसेत्।।८।।

आस्तां स्तवनमेतेषां, सप्तशतस्य विंशते:।
नामभिरपि स्तवनात्, को नाम दु:खनामभाक्।।९।।

एवं ज्ञात्वैव सद्भक्त्या, सुत्रिंशच्चतुर्विंशते:।
जिननामानि प्रीत्याहं, कीर्तयामि स्वसिद्धये।।१०।।