प्रथम पंचमहापुरुष स्तुति:

प्रथम पंचमहापुरुष स्तुति:

-गणिनीप्रमुख श्री ज्ञानमती माताजी

श्रीमान् ऋषभदेवस्त्वं, प्रथमस्तीर्थकृन्मत:।
सर्वा विद्याकला युष्मद्, नमस्तुभ्यं शिवाप्तये।।१।।

प्रथमश्चक्रवर्ती यो, भरतेशो भुवि श्रुत:।
नमस्तस्मै सुभक्त्याहं, यस्य नाम्नेह भारतम्।।२।।

प्रथम: कामदेवो यो, बाहुबली महाबली।
वर्षैक: प्रतिमायोगी, बलर्द्धिप्राप्तये नम:।।३।।

गणीन्द्र: प्रथमो ज्ञेय:, ऋषभसेननामभाक्।
चतुर्ज्ञानर्द्धिसंपन्नो, नमस्तुभ्यं स्वसंपदे।।४।।

प्रथमो मोक्षगामी योऽ-नंतवीर्य: प्रभो: सुत:।
गुणानन्तर्द्धिसंप्राप्त्यै, ते नमोऽस्तु सदा मुदा।।५।।

पंचमहापुरूषांस्तान्, युगादौ प्रथमान् भुवि।
पंचमज्ञानमत्याप्त्यै, एषां च प्रतिमा: स्तुवे।।६।।

 ॐ ह्रीं श्रीऋषभदेवभरतबाहुबलीऋषभसेन-अनंतवीर्यस्वामिभ्यो नम:।
ॐ ह्रीं प्रथमतीर्थंकरश्रीऋषभदेव-प्रथमचक्रवर्तिभरत-प्रथम-कामदेवबाहुबलि-प्रथमगणधरऋषभसेन-प्रथममोक्षप्राप्त-श्रीअनंतवीर्य-स्वामिभ्यो नम:।