प्रथम पट्टाचार्य श्री वीरसागर परिचय एवं पूजा

January 30, 2025Books Final

प्रथम पट्टाचार्य श्री वीरसागर परिचय एवं पूजा…..

-गणिनीप्रमुख आर्यिका श्री ज्ञानमती माताजी

स्वात्मैकनिष्ठं नृसुरादिपूज्यं। षड्जीवकायेषु दयार्द्रचित्तं।।
श्री वीरसिंधुं भववार्धिपोतमाचार्यवर्यं त्रिविधं नमामि।।१।।

यो भव्यजीवाननुगृह्य सम्यक्। वृत्तं सुबोधं श्रयणं ददान:।।
दोषादिजातेऽपि विशोध्यमान:। सार्वो गभीर: पृथुधर्मतीर्थ:।।२।।

रत्नत्रयाख्यं निधिमादधान:। निष्किंचनोऽयं कथमुच्यते ज्ञै:।।
सत्त्वानुकंपी च विशुद्धबुद्धि:। कर्मारिकक्षाय खर: कुठार:।।३।।

स्वान्तान्धकारान्तकभास्कर: स्यात्। स्याद्वादविद्योदधिचंद्रमाश्च।।
त्राता विधाता शरणं गतानाम्। आश्रीयसेऽतस्स्वयमेव भव्यै:।।४।।

स्वाध्यायध्यानादिक्रियासु सक्त:। संसारभोगेषु विरक्तचित्त:।।
बाह्यांतरंगं तप आचरन् यो। दु:खाभिभूतो न हि बाह्यक्लेशात्।।५।।

स्वात्मोत्थसौख्यास्वदनेऽनुरक्त:। वैभाविके वैषयिके विरक्त:।।
कंदर्पमायाक्रुधमानलोभान्। जित्वा रिपून् ‘‘वीर’’ इति प्रसिद्ध:।।६।।

यो मुख्यशिष्यो गुरुशान्तिसिन्धो:। सूरे: चतु:संघहिते वरिष्ठ:।।
दीक्षाव्रतादेशविधौ विधिज्ञ:। तं सूरिवर्यं प्रणमामि भक्त्या।।७।।

हे वीर! हे धीर! भवाब्धितीर! कारुण्यरत्नाकर! विश्वसेव्य।।
भव्याब्जबन्धो! सुविनेयजीवान्। संसारदु:खाल्लघु पाहि मां च।।८।।

त्वां संघसंवर्धक! संस्तवीमि। हे मोहसंमर्दक! नंनमीमि।।
कामारिजेत: गुरुवीरसिन्धो। पादारविंदद्वयमाश्रयामि।।९।।

नमामि स्तौम्यहं नित्यं, ज्ञानमत्यार्यिका मुदा।
गुरुभक्त्या तितीर्षामि, संसारार्णवदुस्तरम्।।१०।।