शांतिभक्ति:

-:शांतिभक्ति:-

शांतिजिनं शशिनिर्मलवक्त्रं, शीलगुणव्रतसंयमपात्रम्।
अष्टशतार्चितलक्षणगात्रं, नौमि जिनोत्तममम्बुजनेत्रम्।।१।।

पंचममीप्सितचक्रधराणां, पूजितमिंद्र-नरेन्द्रगणैश्च।
शांतिकरं गणशांतिमभीप्सु: षोडशतीर्थकरं प्रणमामि।।२।।

दिव्यतरु: सुरपुष्पसुवृष्टिर्दुन्दुभिरासनयोजनघोषौ।
आतपवारणचामरयुग्मे, यस्य विभाति च मंडलतेज:।।३।।

तं जगदर्चितशांतिजिनेन्द्रं, शांतिकरं शिरसा प्रणमामि।
सर्वगणाय तु यच्छतु शांतिं, मह्यमरं पठते परमां च।।४।।

येभ्यर्चिता मुकुटकुंडलहाररत्नै:।
शक्रादिभि: सुरगणै: स्तुतपादपद्मा:।।
ते मे जिना: प्रवरवंशजगत्प्रदीपा:।
तीर्थंकरा: सततशांतिकरा भवंतु।।५।।

संपूजकानां प्रतिपालकानां, यतीन्द्रसामान्यतपोधनानां।
देशस्य राष्ट्रस्य पुरस्य राज्ञ:, करोतु शांतिं भगवान् जिनेन्द्र:।।६।।

अशोकवृक्ष: सुरपुष्पवृष्टि-र्दिव्यध्वनिश्चामरमासनं च।
भामंडलं दुुंदुभिरातपत्रं, सत्प्रातिहार्याणि जिनेश्वराणां।।७।।

क्षेमं सर्वप्रजानां प्रभवतु बलवान्, धार्मिको भूमिपाल:।
काले काले च सम्यग्वर्षतु मघवा, व्याधयो यांतु नाशं।।
दुर्भिक्षं चौरमारी क्षणमपि जगतां, मा स्म भूज्जीवलोके।
जैनेन्द्रं धर्मचक्रं प्रभवतु सततं, सर्वसौख्यप्रदायि।।८।।

प्रध्वस्तघातिकर्माण:, केवलज्ञानभास्करा: ।
कुर्वन्तु जगतां शांतिं, वृषभाद्या जिनेश्वरा:।।९।।

-अंचलिका-(गवासन से बैठकर पढ़ें)

इच्छामि भंते! संतिभत्ति काउस्सग्गो कओ तस्सालोचेउं पंचमहाकल्लाण-संपण्णाणं, अट्ठमहापाडिहेरसहियाणं, चउतीसातिसयविशेषसंजुत्ताणं, बत्तीसदेवेंदमणिमय-मउडमत्थय-महियाणं, बलदेववासुदेव-चक्कहर-रिसि-मुणि-जइ-अणगारोवगूढाणं, थुइसयसहस्सणिलयाणं उसहाइवीरपच्छिम-मंगलमहा-पुरिसाणं, णिच्चकालं अंचेमि, पूजेमि, वंदामि, णमंसामि, दुक्खक्खओ कम्मक्खओ, बोहिलाहो, सुगइगमणं, समाहिमरणं, जिनगुणसंपत्ति होउ मज्झं।

(पुन: नमस्कार कर विज्ञापना करे।)

अथ पौर्वाण्हिकदेववंदनायां चैत्य-पंचमहागुरुशांतिभक्ती: कृत्वा तद्धीनाधिकत्वादि दोषविशुद्धयर्थं आत्मपवित्रीकरणार्थं समाधिभक्ति कायोत्सर्गं करोम्यहं।
(पुन: नमस्कार कर ३ आवर्त, १ शिरोनति करके सामायिक दंडक पढ़कर ३ आवर्त, १ शिरोनति करे। पुन: कायोत्सर्ग कर नमस्कार करें व ३ आवर्त, १ शिरोनति कर थोस्सामि स्तव पढ़कर ३ आवर्त, १ शिरोनति कर समाधिभक्ति पढ़ें।)