श्रीपार्श्वनाथस्तवन

श्रीपार्श्वनाथस्तवन

(सोरठा छंद)
पारस प्रभु को नाऊँ, सार सुधासम जगत में।
मैं बाकी बलि जाऊँ, अजर अमर पद मूल यह।।
हरिगीता छंद (२८ मात्रा)
राजत उतंग अशोक तरुवर, पवन-प्रेरित थर-हरै।
प्रभु निकट पाय प्रमोदनाटक, करत मानो मन हरै।।
तस फूल गुच्छन भ्रमर गुंजत, यही तान सुहावनी।
सो जयो पार्श्व जिनेन्द्र पातक, हरन जग चूड़ामनी।।
निज मरन देखि अनंग डरप्यो, सरन ढूंढ़त जग फिर्यो।
कोई न राखै चोर प्रभु को, आय पुनि पायन गिर्यो।।
यों हार, निज हथियार डारे, पुष्पवर्षा मिस भनी।
सो जयो पार्श्वजिनेन्द्र पातक, हरन जग चूड़ामनी।।
प्रभु अंग नील उत्तंगगिरि तैं, वानिशुचिसरिता ढली।
सो भेदि भ्रम गजदंत पर्वत, ज्ञान-सागर में रली।।
नय-सप्त-भंग-तरंग-मण्डित, पाप-ताप-विनाशिनी।
सो जयो पार्श्वजिनेन्द्र पातक, हरन जग-चूड़ामनी।।
चन्द्रार्चिचय-छवि-चारु चंचल, चमर-वृन्द सुहावने।
ढोलें निरन्तर यक्षनायक, कहत क्योें उपमा बने।।
यह नीलगिरि के शिखर मानो, मेघ झरि लागी घनी।
सो जयो पार्श्वजिनेन्द्र पातक, हरन जग-चूड़ामनी।।
हीरा जवाहर खचित बहुविध, हेम-आसन राजये।
तहँ जगतजनमनहरन प्रभुतन, नील वरन विराजये।।
यह जटिल वारिजमध्य मानौ, नीलमणिकणिका बनी।
सो जयो पार्श्वजिनेन्द्र पातक, हरन जग-चूड़ामनी।।
जगजीत मोह महान जोधा, जगत में पटहा दियो।
सो शुक्ल-ध्यान-कृपानबलजिन, विकट वैरी वश कियो।।
ये बजत विजय महानदुन्दुभि, जीत सूचै प्रभु तनी।
सो जयो पार्श्वजिनेन्द्र पातक, हरन जग-चूड़ामनी।।
छद्मस्थ पद में प्रथम दर्शन, ज्ञान चारित आदरे।
अब तीन तेई छत्रछल सों, करत छाया छवि भरे।।
अतिधवल रूप अनूप उन्नत, सोमबिम्ब-प्रभा हनी।
सो जयो पार्श्वजिनेन्द्र पातक, हरन जग-चूड़ामनी।।
द्युति देखि जाकी चन्द्र लाजे, तेज सौं रवि लाजई।
तव प्रभा-मण्डल जोग जग में, कौन उपमा छाजई।।
इत्यादि अतुल विभूतिमंडित, सोहये त्रिभुवन धनी।
सो जयो पार्श्वजिनेन्द्र पातक, हरन जग-चूड़ामनी।।
या अगम महिमा सिंधु चक्री, शक्र पार न पावहीं।
तजि हास भय तुम दास ‘‘मथुरा’’ भक्तिवश यश गावहीं।।
अब होहु भव भव स्वामि मेरे, मैं सदा सेवक रहौं।
कर जोरि यह वरदान मांगौं, मोक्षपद जावत लहौं।।

स्थापना
प्राणतस्व: समायातं, फणिलाञ्छन-संयुतम्।
वामामातृसुतं पार्श्वं, यजेऽहं तद्गुणाप्तये।।
ॐ ह्रीं श्रीं क्लीं महाबीजाक्षरसम्पन्न! श्री पार्श्वनाथजिनेन्द्र! मम हृदये अवतर अवतर संवौषट्! इत्याह्वाननम्।
ॐ ह्रीं श्रीं क्लीं महाबीजाक्षरसम्पन्न! श्री पार्श्वनाथजिनेन्द्र! मम हृदये तिष्ठ तिष्ठ ठ: ठ:। इति स्थापनम्।
ॐ ह्रीं श्रीं क्लीं महाबीजाक्षरसम्पन्न! श्री पार्श्वनाथजिनेन्द्र! मम हृदयसमीपे सन्निहितो भव भव वषट्। इति सन्निधिकरणम्। परिपुष्पांजलिं क्षिपाम:।

अष्टकम्
वियद्गङ्गासिन्धु-प्रमुखशुचितीर्थाम्बुनिवहै:।
शरच्चन्द्राभासै:, कनकमय-भृङ्गार-निहितै:।।
यजेऽहं पार्श्वेशं, सुरनरखगाधीशमहितं।
चिदानन्दप्राज्ञं, कमठ-रचितोपद्रव-जितम्।।
ॐ ह्रीं कमठोपद्रवजिताय श्रीपार्श्वनाथाय जलम्।

स्फुरद्गन्धाहूत-प्रचुर-फणिसंरुद्ध-तरुजै:।
रसै: कर्पूरास्यैर्निविडभवसन्तापहरणै:।।
यजेऽहं पार्श्वेशं, सुरनरखगाधीशमहितं।
चिदानन्दप्राज्ञं, कमठ-रचितोपद्रव-जितम्।।
ॐ ह्रीं कमठोपद्रवजिताय श्रीपार्श्वनाथाय चंदनम्।

अखण्डै: शालीयै-रपगत-तुषै-रक्षतमयै:।
प्रपुञ्जैरानन्द-प्रणयजनवैâर्नेत्रमनसाम्।।
यजेऽहं पार्श्वेशं, सुरनरखगाधीशमहितं।
चिदानन्दप्राज्ञं, कमठ-रचितोपद्रव-जितम्।।
ॐ ह्रीं कमठोपद्रवजिताय श्रीपार्श्वनाथाय अक्षतम्।

मरुद्दारुद्भूतै-र्विकचसरसी-जातबकुलै:।
लवङ्गैरामोद-भ्रमरमिलितै: पुष्पनिचयै:।
यजेऽहं पार्श्वेशं, सुरनरखगाधीशमहितं।
चिदानन्दप्राज्ञं, कमठ-रचितोपद्रव-जितम्।।
ॐ ह्रीं कमठोपद्रवजिताय श्रीपार्श्वनाथाय पुष्पम्।

सदन्नैरापूर्ण-प्रवरघृतपक्वान्नसहितै:।
रसाढ्यैर्नैवेद्यै-रतुलकाञ्चनपात्रविधृतै:।।
यजेऽहं पार्श्वेशं, सुरनरखगाधीशमहितं।
चिदानन्दप्राज्ञं, कमठ-रचितोपद्रव-जितम्।।
ॐ ह्रीं कमठोपद्रवजिताय श्रीपार्श्वनाथाय नैवेद्यम्।

हविर्जातै: रम्यै-र्विदलितदिशाकीर्णतमसै:।
प्रदीप्तैर्माणिक्यैर्विशदकलधौतार्चिरमलै:।।
यजेऽहं पार्श्वेशं, सुरनरखगाधीशमहितं।
चिदानन्दप्राज्ञं, कमठ-रचितोपद्रव-जितम्।।
ॐ ह्रीं कमठोपद्रवजिताय श्रीपार्श्वनाथाय दीपम््।

सुकर्पूरोत्पन्नै-रमरतरु-सच्चन्दनभवै:।
सुधूपौघै: श्र्लाघ्यै-र्मिलदलिगणागुज्जितरवै:।।
यजेऽहं पार्श्वेशं, सुरनरखगाधीशमहितं।
चिदानन्दप्राज्ञं, कमठ-रचितोपद्रव-जितम्।।
ॐ ह्रीं कमठोपद्रवजिताय श्रीपार्श्वनाथाय धूपम्।

सुपक्वै: नारङ्ग-क्रमुकशुचिकूष्माण्डकरवैâ:।
फलैर्मोचाम्राद्यैर्विबुधशिवसम्पद्वितरणै:।।
यजेऽहं पार्श्वेशं, सुरनरखगाधीशमहितं।
चिदानन्दप्राज्ञं, कमठ-रचितोपद्रव-जितम्।।
ॐ ह्रीं कमठोपद्रवजिताय श्रीपार्श्वनाथाय फलम्।

जलैर्गन्धद्रव्यैर्विशदसदवैâ: पुष्पचरुवैâ:।
सुदीपै: सद्धूपैर्बहुफलयुतैरर्घ्यनिकरै:।।
यजेऽहं पार्श्वेशं, सुरनरखगाधीशमहितं।
चिदानन्दप्राज्ञं, कमठ-रचितोपद्रव-जितम्।।
ॐ ह्रीं कमठोपद्रवजिताय श्रीपार्श्वनाथाय अर्घ्यम्।

जयमाला

शताब्दजीवी समशत्रुमित्रो, हरित्प्रभाङ्गो हतमारदर्प:।
सपादचापद्वयतुङ्गकायो, यस्तं सदा पार्श्वजिनं नमामि।।
निराभूषशोभं, परिध्वस्तलोभं, चिदानन्दरूपं, नतानेकभूपं।
स्तुवे पार्श्वदेवं, भवाम्भोधिनावं, त्रिषड्दोषहीनं, जगत्पूज्यमानम्।।
शिवं सिद्धकार्यं, वरानन्ततुर्यं, रमानाथमीशं, जितानङ्गपाशम्।।
स्तुवे पार्श्वदेवं, भवाम्भोधिनावं, त्रिषड्दोषहीनं, जगत्पूज्यमानम्।।
हरं विश्वनेत्रं, त्रिशुभ्रातपत्रं, क्षुधाबह्निनीरं, द्विधासङ्गदूरम्।
स्तुवे पार्श्वदेवं, भवाम्भोधिनावं, त्रिषड्दोषहीनं, जगत्पूज्यमानम्।।
दिशाचेलवन्तं, वरं मुक्तिकान्तं, निरस्तारिमोहं, पुरुं सौख्यगेहम्।
स्तुवे पार्श्वदेवं, भवाम्भोधिनावं, त्रिषड्दोषहीनं, जगत्पूज्यमानम्।।
जराजन्ममुक्तं, वरानन्दयुक्तं, हतक्रोधमानं, कृतज्ञानदानम्।
स्तुवे पार्श्वदेवं, भवाम्भोधिनावं, त्रिषड्दोषहीनं, जगत्पूज्यमानम्।।
अविद्यापहारं, सुविद्यागभीरं, स्वयंदीप्तिमूर्ति, जगत्प्राप्तकीर्तिम्।
स्तुवे पार्श्वदेवं, भवाम्भोधिनावं, त्रिषड्दोषहीनं, जगत्पूज्यमानम्।।
यतिवरवृषचन्द्रं, चित्कलापूर्णचन्द्रं।
विमलगुणसमृद्धं, नम्रनागामरेन्द्रम्।
जिनपतिमहिधारं, दु:खसन्तापहारं।
भजति नमति सारं, सौख्यसारं लभेत।।
ॐ ह्रीं कमठोपद्रवजिताय श्रीपार्श्वनाथाय जयमालार्घ्यम्।
सर्वजीवदयायुक्त:, सर्वलौकान्तिकार्चित:।
पार्श्वदेव: श्रियं दद्यात्, नित्यं पूजाविधायिनाम्।।
।। इत्याशीर्वाद:।।

अष्टदलकमल पूजा

(मंडल पर पुष्पांजलि क्षेपण करें)
कल्याण-मन्दिरमुदार-मवद्यभेदि-भीताभयप्रदमनिन्दितमङ्घ्रिपद्मम्।
संसारसागर-निमज्ज-दशेषजन्तु-पोतायमानमभिनम्य जिनेश्वरस्य।।१।।
सन्मङ्गलालयमुदासिकलज्र्हारि, संसारभीतमनसामभयप्रदायि।
जन्माब्धिमध्य असुमत्तरि यत्पदाब्जं, तं पार्श्वनाथमनघं प्रयजे कुशाद्यै:।।१।।
ॐ ह्रीं भवसमुद्रपतज्जन्तुतारणाय क्लींमहाबीजाक्षर सहिताय श्रीपार्श्वनाथाय अर्घ्यम्।

यस्य स्वयं सुरगुरुर्गरिमाम्बुराशे:,स्तोत्रं सुविस्तृतमतिर्न विभुर्विधातुम्।
तीर्थेश्वरस्य कमठस्मयधूमकेतो-स्तस्याहमेष किल संस्तवनं करिष्ये।।२।।
वाचस्पतिर्न गुरुवारिनिधे: समर्थ:,कर्तुं धिया स्तवमनन्तगुणस्य यस्य।
तीर्थाधिपस्य कमठोद्धतगर्वहर्तु:,तं पार्श्वनाथमनघं प्रयजे कुशाद्यै:।।२।।
ॐ ह्रीं अनन्तगुणाय क्लींमहाबीजाक्षरसहिताय श्रीपार्श्वनाथाय अर्घ्यम्।

सामान्यतोऽपि तव वर्णयितुं स्वरूप-मस्मादृशा: कथमधीश! भवन्त्यधीशा:।
धृष्टोऽपि कोशिकशिशु र्यदि वा दिवान्धो,रूपं प्ररूपयति किं किल घर्मरश्मे:।।३।
संक्षेपतोऽपि भुवि विस्तरितुं महत्त्वं, दक्षा भवन्ति न हि तुच्छधियो यदीयम्।
घूका जड़ा दिनकरस्य यथा स्वरूपं, तं पार्श्वनाथमनघं प्रयजे कुशाद्यै:।।३।।
ॐ ह्रीं चिद्रूपाय क्लींमहाबीजाक्षरसहिताय श्रीपार्श्वनाथाय अर्घ्यम्।

मोहक्षयादनुभवन्नपि नाथ! मर्त्यो, नूनं गुणान्गणयितुं न तव क्षमेत।
कल्पान्तवान्तपयस: प्रकटोऽपि यस्मा-न्मीयेत केन जलधे र्ननु रत्नराशि:।।४।।
निर्मोह? कोऽपि मनुजो गुणसंहतेर्नो, संख्यां करोति गहनार्थपदस्य यस्य।
रत्नस्य वा प्रलयवायुहतस्य वार्धे-स्तं पार्श्वनाथमनघं प्रयजे कुशाद्यै:।।४।।
ॐ ह्रीं गहनगुणाय क्लींमहाबीजाक्षरसहिताय श्रीपार्श्वनाथाय अर्घ्यम्।

अभ्युद्यतोऽस्मि तव नाथ! जडाशयोऽपि,कर्तुं स्तवं लसदसंख्यगुणाकरस्य।
बालोऽपि किं न निजबाहुयुगं वितत्य, विस्तीर्णतां कथयति स्वधियाम्बुराशे:।।५।।
इच्छन्ति मन्दमतय: स्तवनं विधातुं, यस्य प्रकृष्टगुणिन: शिशवो यथात्र।
विस्तार्य बाहुयुगलं जलधे: प्रमाणं, तं पार्श्वनाथमनघं प्रयजे कुशाद्यै:।।५।।
ॐ ह्रीं परमोन्नतगुणाय क्लींमहाबीजाक्षरसहिताय श्रीपार्श्वनाथाय अर्घ्यम्।

ये योगिनामपि न यान्ति गुणास्तवेश! वक्तुं कथं भवति तेषु ममावकाश:।
जाता तदेवमसमीक्षितकारितेयं, जल्पन्ति वा निजगिरा ननु पक्षिणोऽपि।।६।।
गम्या गुणा यदि महद्वपुषां न यस्य, तत्रावकाश इह तुच्छधियां कथं स्यात्।
गायन्ति पत्रिण इवात्र जनास्तथापि, तं पार्श्वनाथमनघं प्रयजे कुशाद्यै:।।६।।
ॐ ह्रीं अगम्यगुणाय क्लींमहाबीजाक्षरसहिताय श्रीपार्श्वनाथाय अर्घ्यम्।

आस्तामचिन्त्यमहिमा जिन! संस्तवस्ते, नामापि पाति भवतो भवतो जगन्ति।
तीव्रातपोपहतपान्थजनान्निदाघे, प्रीणाति पद्मसरस: सरसोऽनिलोऽपि।।७।।
‘स्तुत्या भवन्ति मनुजा: सुखिनोऽत्र िंक न, नाम्नैव यस्य मरुता नलिनाकरस्य।
सूर्यातपार्तपथिका: शिशिरं यथा नु, तं पार्श्वनाथमनघं प्रयजे कुशाद्यै:।।७।।
ॐ ह्रीं स्तवनार्हाय क्लींमहाबीजाक्षरसहिताय श्रीपार्श्वनाथाय अर्घ्यम्।

हृद्वर्तिनि त्वयि विभो! शिथिलीभवन्ति, जन्तो: क्षणेन निविडा अपि कर्मबन्धा:।
सद्यो भुजङ्गममया इव मध्यभाग-मभ्यागते वनशिखण्डिनि चन्दनस्य।।८।।
यस्मिन्स्थिते हृदि विनाशमुपैति बन्ध:,पापस्य शुद्धमनसो भविनो मयूरे।
संरुद्धचन्दननगोऽहिरिवात्र याते, तं पार्श्वनाथमनघं प्रयजे कुशाद्यै:।।८।।
ॐ ह्रीं कर्मबंधविनाशकाय क्लींमहाबीजाक्षरसहिताय श्रीपार्श्वनाथाय अर्घ्यम्।

षोडशदलकमलपूजा

(मंडल पर पुष्पांजलि क्षेपण करें)
मुच्यन्त एव मनुजा: सहसा जिनेन्द्र-रौद्रैरुपद्रवशतैस्त्वयि वीक्षितेऽपि।
गोस्वामिनि स्फुरिततेजसि दृष्टमात्रे, चौरैरिवाशु पशव: प्रपलायमानै:।।९।।
दृष्टे पलायनपरा: किल भूतवर्गा, यस्मिन् विमुच्य मनुजानिह संग्रहीतान्।
दोषाचरा: पशुपताविव गोसमाजं, तं पार्श्वनाथमनघं प्रयजे कुशाद्यै:।।९।।
ॐ ह्रीं दुष्टोपवर्गविनाशकाय क्लींमहाबीजाक्षरसहिताय श्रीपार्श्वनाथाय अर्घ्यम्।

त्वं तारको जिन! कथं भविनां त एव, त्वामुद्वहन्ति हृदयेन यदुत्तरन्त:।
यद्वा दृतिस्तरति यज्जलमेष नून-मन्तर्गतस्य मरुत: स किलानुभाव:।।१०।।
संसारिणां भवति यो हृदि संस्थितोऽपि, सन्तारक: किल निरन्तरचिन्तकानां।
भस्त्रागतो मरुदिवाम्बुनिधौ समर्थ-स्तं पार्श्वनाथमनघं प्रयजे कुशाद्यै:।।१०।।
ॐ ह्रीं सुध्येयाय क्लींमहाबीजाक्षरसहिताय श्रीपार्श्वनाथाय अर्घ्यम्।

यस्मिन्हरप्रभृतयोऽपि हतप्रभावा:, सोऽपि त्वया रतिपति: क्षपित: क्षणेन।
विध्यापिता हुतभुज: पयसाथ येन, पीतं न किं तदपि दुर्धरवाडवेन।।११
येनाहतं हरिहरादि-महत्त्वमुच्चै:, सोऽनन्तको जिनवरेण हतो हि येन।
वारांनिधेरिव जलं बडवानलेन, तं पार्श्वनाथमनघं प्रयजे कुशाद्यै:।।११।।
ॐ ह्रीं अनङ्गमथनाय क्लींमहाबीजाक्षरसहिताय श्रीपार्श्वनाथाय अर्घ्यम्।

स्वामिन्ननल्पग्ारिमाणमपि प्रपन्ना-स्त्वां जन्तव: कथमहो हृदये दधाना:।
जन्मोदधिं लघु तरन्त्यतिलाघवेन, चिन्त्यो न हन्त महतां यदि वा प्रभाव:।।१२।।
यं वाहका हृदि जना: कथमुत्तरन्ति, संसारवारिधिमहो गुरुमप्यतुल्यम्।
चिन्त्यो न जातु महतां महिमात्र लोके, तं पार्श्वनाथमनघं प्रयजे कुशाद्यै:।।१२।।
ॐ ह्रीं अतिशयगुरवे क्लींमहाबीजाक्षरसहिताय श्रीपार्श्वनाथाय अर्घ्यम्।

क्रोधस्त्वया यदि विभो! प्रथमं निरस्तो, ध्वस्तस्तदा वद कथं किल कर्मचौरा:,
प्लोषत्यमुत्र यदि वा शिशिरापि लोके, नीलद्रुमाणि विपिनानि न किं हिमानी।।१३।।
जित्वा क्रुधं पुनरलं शठमोहदस्यु-र्येन प्रणाशितमुदारगुणेन चित्रं।
सौम्येन कर्दमजमत्र हि मेनवाश्रु, तं पार्श्वनाथमनघं प्रयजे कुशाद्यै:।।१३।।
ॐ ह्रीं जितक्रोधाय क्लींमहाबीजाक्षरसहिताय श्रीपार्श्वनाथाय अर्घ्यम्।

त्वां योगिनो जिन! सदा परमात्मरूप-मन्वेषयन्ति हृदयाम्बुजकोषदेशे।
पूतस्य निर्मलरुचे र्यदि वा किमन्य-दक्षस्य सम्भवपदं ननु कर्णिकाया:।।१४।।
यं साधवो हृदयतामरसे विकाशे, ध्यायन्ति शुद्धमनसो यत ईड्यमानम्।
चित्तादृतेन हि पदं वपुषीह पूतं, तं पार्श्वनाथमनघं प्रयजे कुशाद्यै:।।१४।।
ॐ ह्रीं महन्मृग्याय क्लींमहाबीजाक्षरसहिताय श्रीपार्श्वनाथाय अर्घ्यम्।

ध्यानाज्जिनेश! भवतो भविन: क्षणेन, देहंविहाय परमात्मदशां व्रजन्ति।
तीव्रानलादुपलभावमपास्य लोके, चामीकरत्वमचिरादिव धातुभेदा:।।१५।।
यस्येह मानव उपैति पदं गरिष्ठं, सद्ध्यानतो झटिति संहननं विसृज्य।
हैमं यथानलवशाद्विदृषद्विशेषं, तं पार्श्वनाथमनघं प्रयजे कुशाद्यै:।।१५।।
ॐ ह्रीं कर्मकिट्टदहनाय क्लींमहाबीजाक्षरसहिताय श्रीपार्श्वनाथाय अर्घ्यम्।

अन्त: सदैव जिन! यस्य विभाव्यसे त्वं,भव्यै: कथं तदपि नाशयसे शरीरम्।
एतत्स्वरूपमथ मध्यविवर्तिनो हि, यद्विग्रहं प्रशमयन्ति महानुभावा:।।१६।।
योऽन्तर्गतोऽपि भविनो वपुरत्र वेगा-न्निर्नाशयत्यखिलदु:खमयं विचित्रम्।
माध्यास्थिक: कलिमिवाशु महत्तर: स्वं, तं पार्श्वनाथमनघं प्रयजे कुशाद्यै:।।१६।।
ॐ ह्रीं देहदेहिकलहनिवारकाय क्लींमहाबीजाक्षरसहिताय श्रीपार्श्वनाथाय अर्घ्यम्।

आत्मा मनीषिभिरयं त्वदभेदबुद्ध्या, ध्यातो जिनेन्द्र! भवतीह भवत्प्रभाव:।
पानीयमप्यमृतमित्यनुचिन्त्यमानं, किं नाम नो विषविकारमपाकरोति।।१७।।
विद्वद्भिरत्र यदभिन्नधियायमात्मा, सञ्चिन्तितं फलति मुक्तिपदं हि सद्य:।
मान्यं श्रधेति सलिलं विषनाशकं वा, तं पार्श्वनाथमनघं प्रयजे कुशाद्यै:।।१७।।
ॐ ह्रीं संसारविषसुधोपमाय क्लींमहाबीजाक्षरसहिताय श्रीपार्श्वनाथाय अर्घ्यम्।

त्वामेव वीततमसं परवादिनोऽपि, नूनं विभो! हरिहरादिधिया प्रपन्ना:।
किं काचकामलिभिरीश! सितोऽपि शङ्खो, नो गृह्यते विविधवर्ण विपर्ययेण।।१८।।
ये ध्वस्तमोहतिमिरं कुपथप्रलग्ना:, कृष्णादिबुद्धिमनुदारमुपाश्रयन्ति।
नेत्रामया इव यथार्थ-विवेकहीना, तं पार्श्वनाथमनघं प्रयजे कुशाद्यै:।।१८।।
ॐ ह्रीं सर्वजनबंद्याय क्लींमहाबीजाक्षरसहिताय श्रीपार्श्वनाथाय अर्घ्यम्।

धर्मोपदेशसमये सविधानुभावा-दास्तां जनो भवति ते तरुरप्यशोक:।
अभ्युद्गते दिनपतौ स महीरुहोऽपि, किं वा विबोधमुपयाति न जीवलोक:।।१९।।
सद्धर्मजल्पनविधौ वसुधारुहोऽपि, शोकातिरिक्त इह यम्य किमन्यवृत्तं।
भानूदये सति यथा किल वारिजातं, तं पार्श्वनाथमनघं प्रयजे कुशाद्यै:।।१९।।
ॐ ह्रीं अशोकवृक्षविराजमानाय क्लींमहाबीजाक्षरसहिताय श्रीपार्श्वनाथाय अर्घ्यम्।

चित्रं विभो! कथमवाङ् मुखवृन्तमेव, विष्वक्पतत्यविरला सुरपुष्पवृष्टि:।
त्वद्गोचरे सुमनसां यदि वा मुनीश!, गच्छन्ति नूनमध एव हि बन्धनानि।।२०।।
रेजे-सुरप्रसव-संततिवृष्टि-रुद्धा, स्वामोदवासितदिशावलया यदीया।
यत्पादमाश्रितजना भृशमूर्ध्वगा: स्यु:-तं पार्श्वनाथमनघं प्रयजे कुशाद्यै:।।२०।।
ॐ ह्रीं सुरपुष्पवृष्टिशोभिताय क्लींमहाबीजाक्षरसहिताय श्रीपार्श्वनाथाय अर्घ्यम्।

स्थाने गभीरहृदयोदधिसम्भवाया:, पीयूषतां तव गिर: समुदीरयन्ति।
पीत्वा यत: परमसम्मदसङ्गभाजो, भव्या व्रजन्ति तरसाप्यजरामरत्वम्।।२१।।
गंभीरहृज्जलधिजातवचो हि यस्य, प्रीणाति चारु जनताममृतोपमं तत्।
नि:स्वाद्य गच्छति जन: किल मोक्षधाम, तं पार्श्वनाथमनघं प्रयजे कुशाद्यै:।।२१।।
ॐ ह्रीं दिव्यध्वनिविराजिताय क्लींमहाबीजाक्षरसहिताय श्रीपार्श्वनाथाय अर्घ्यम्।

स्वामिन्सुदूरमवनम्य समुत्पतन्तो, मन्ये वदन्ति शुचय: सुरचामरौघा:।
येऽस्मै नतिं विदधते मुनिपुङ्गवाय, ते नूनमूर्ध्वगतय: खलु शुद्धभावा:।।२२।।
यस्य प्रकीर्णकयुगं वदतीव लोकान्, दुग्धाऽिब्धफेनधवलं सुरवीज्यमानं।
वन्दारुरुग्रगतिरेव जिनं सदेति, तं पार्श्वनाथमनघं प्रयजे कुशाद्यै:।।२२।।
ॐ ह्रीं सुरचामरविराजमानाय क्लींमहाबीजाक्षरसहिताय श्रीपार्श्वनाथाय अर्घ्यम्।

श्यामं गभीरगिरमुज्वलहेमरत्न-सिंहासनस्थमिह भव्यशिखण्डिनस्त्वाम््।
आलोकयन्ति रभसेन नदन्तमुच्चै-श्चामीकराद्रिशिरसीव नवाम्बुवाहम्।।२३।।
सद्धेमरत्नमयकेशरि-विष्ठरस्थं, यं भव्यकेकिन अभीक्ष्य नटन्त्यजस्रं।
जाम्बूनदाचलशिखाघनमन्यमाना:, तं पार्श्वनाथमनघं प्रयजे कुशाद्यै:।।२३।।
ॐ ह्रीं पीठत्रयनायकाय क्लींमहाबीजाक्षरसहिताय श्रीपार्श्वनाथाय अर्घ्यम्।

उद्गच्छता तव शितिद्युतिमण्डलेन, लुप्तच्छदच्छविरशोकतरुर्बभूव।
सानिध्यतोऽपि यदि वा तव वीतराग! नीरागतां ब्रजति को न सचेतनोऽपि।।२४।।
श्यामप्रभावलयतोऽतिविचित्रकान्ति:, रेजे ह्यशोकतरुरुच्चतमोऽपि यस्य।
संसर्गतो भवति रागयुतो न कोऽत्र, तं पार्श्वनाथमनघं प्रयजे कुशाद्यै:।।२४।।
ॐ ह्रीं भामण्डलमण्डिताय क्लींमहाबीजाक्षरसहिताय श्रीपार्श्वनाथाय अर्घ्यम्।

विंशतिदलकमल पूजा

(मंडल पर पुष्पांजलि क्षेपण करें)
भो! भो! प्रमादमवधूय भज्ाध्वमेन-मागत्य निर्वृतिपुरीं प्रति सार्थवाहम्।
एतन्निवेदयति देव! जगत्त्रयाय, मन्ये नदन्नभिनभ: सुरदुन्दुभिस्ते।।२५।।
गीर्वाणदुन्दुभिरतीव वदत्यजस्र, मेनं निषेवय जिनं प्रविहाय मोहम्।
यस्मै त्रिविष्टपजनाय नदन्नभीक्ष्णं, तं पार्श्वनाथमनघं प्रयजे कुशाद्यै:।।२५।।
ॐ ह्रीं देवदुन्दुभिनादाय क्लींमहाबीजाक्षरसहिताय श्रीपार्श्वनाथाय अर्घ्यम्।

उद्योतितेषु भवता भुवनेषु नाथ! तारान्वितो विधुरयं विहताधिकार:।
मुक्ताकलापकलितोल्लसितातपत्र-व्याजात्त्रिधा धृततनु र्ध्रुवमभ्युपेत:।।२६।।
येन प्रकाशित इहेत्य कृतत्रिरूपो, लोकत्रयोधवलछत्रमिषेण चन्द्र:।
सोडुग्रह: किमिव यस्य करोति सेवां, तं पार्श्वनाथमनघं प्रयजे कुशाद्यै:।।२६।।
ॐ ह्रीं छत्रत्रयमहिताय क्लींमहाबीजाक्षरसहिताय श्रीपार्श्वनाथाय अर्घ्यम्।

स्वेन प्रपूरित जगत्त्रयपिण्डितेन, कान्तिप्रतापयशसामिव सञ्चयेन।
माणिक्यहेमरजतप्रविनिर्मितेन, सालत्रयेण भगवन्नभितो विभासि।।२७।।
य: शोभते मणिसुवर्णसुरौप्यजेन, तेज: प्रभाव-शुचिकीर्तिसमुच्चयेन।
शालत्रयेण-दिवि चामरनिर्मितेन, तं पार्श्वनाथमनघं प्रयजे कुशाद्यै:।।२७।।
ॐ ह्रीं शालत्रयाधिपतये क्लींमहाबीजाक्षरसहिताय श्रीपार्श्वनाथाय अर्घ्यम्।

दिव्यस्रजो जिन! नमत्त्रिदशाधिपाना-मुत्सृज्य रत्नरचितानपि मौलिबन्धान्।
पादौ श्रयन्ति भवति यदि वापरत्र, त्वत्सङ्गमे सुमनसो नरमन्त एव।।२८।।
माल्यं सुथक्तिभरनम्रसुराधिपानां, सन्त्यज्य चारुमुकुटं पदमाश्रितं हि।
यस्यानिशं सुमनसां महदेव सेव्यं, तं पार्श्वनाथमनघं प्रयजे कुशाद्यै:।।२८।।
ॐ ह्रीं भक्तजनानवनपतिराय क्लींमहाबीजाक्षरसहिताय श्रीपार्श्वनाथाय अर्घ्यम्।

त्वं नाथ! जन्मजलधे र्विपराङ्मुखोऽपि, यत्तारयस्यसुमतो निजपृष्ठलग्नान्।
युक्तं हि पार्थिवनिपस्य सतस्तवैव, चित्रं विभो! यदसि कर्मविपाकशून्य:।।२९।।
यस्तारयत्यतनुरङ्गभृतो विचित्रं, संसारवार्धिविमुखोऽपि सुभक्तियुक्तान्।
यन्मृत्तिकामय इवात्र घटोऽम्बुराशौ, तं पार्श्वनाथमनघं प्रयजे कुशाद्यै:।।२९।।
ॐ ह्रीं निजपृष्ठलग्नभयतारकाय क्लींमहाबीजाक्षरसहिताय श्रीपार्श्वनाथाय अर्घ्यम्।

विश्वेश्वरोऽपि जनपालक! दुर्गतस्त्वं, िंक वाक्षरप्रकृतिरप्यलिपिस्त्वमीश!
अज्ञानवत्यपि सदैव कथंचिदेव, ज्ञानं त्वयि स्फुरति विश्वविकासहेतु:।।३०।।
य: सर्वलोकजनताधिपति र्दरिद्रो, व्यक्ताक्षरोऽप्यलिपिरित्युदितो महद्भि:।
ज्ञानी किलाज्ञ इति विस्मयनीयमूर्ति:, तं पार्श्वनाथमनघं प्रयजे कुशाद्यै:।।३०।।
ॐ ह्रीं विस्मयनीयमूर्तये क्लींमहाबीजाक्षरसहिताय श्रीपार्श्वनाथाय अर्घ्यम्।

प्राग्भारसम्भृतनभांसि रजांसि रोषा-दुत्थापितानि कमठेन शठेन यानि।
छायापि तैस्तव न नाथ! हता हताशो, ग्रस्तस्त्वमीभिरयमेव परं दुरात्मा।।३१।।
या लोकमूर्द्धवितता हि खलेन कोपा-दुत्थापिता कमठपूर्वचरेण धूलि:।
आच्छादिता तनुरहो न तयापि यस्य, तं पार्श्वनाथमनघं प्रयजे कुशाद्यै:।।३१।।
ॐ ह्रीं कमठोत्थापितधूल्युपद्रवजिताय क्लींमहाबीजाक्षरसहिताय श्रीपार्श्वनाथाय अर्घ्यम्।

यद्गर्जदूर्जित-घनौघ-मदभ्रभीम, भ्रश्यत्तडिन्मुसल-मांसल-घोरधारम्।
दैत्येन मुक्तमथ दुस्तरवारि दध्रे, तेनैव तस्य जिन! दुस्तरवारिकृत्यम्।।३२।।
नीरं विमुक्तमसुरेण सवङ्कापातं, वर्षाभवं घनतरं यदुपद्रवाय।
तस्यासुरस्य बत दु:खदमेव जातं, तं पार्श्वनाथमनघं प्रयजे कुशाद्यै:।।३२।।
ॐ ह्रीं कमठकृतजलधारोपसर्गनिवारकाय क्लींमहाबीजाक्षरसहिताय श्रीपार्श्वनाथाय अर्घ्यम्।

ध्वस्तोर्ध्वकेशविकृताकृति-मर्त्यमुण्ड, प्रालम्बभृद्भयदवक्त्र विनर्यदग्नि:,
प्रेतव्रज: प्रति भवन्तमपीरितो य:, सोऽस्याभवत्प्रतिभवं भवदु:खहेतु:।।३३।।
पैशाचिको गण उपद्रव-भूरियुक्तो, दैत्येन यं प्रतिनियोजित उद्धतेन।।
तद्दैत्यकस्य पुनरुग्र-भयप्रदोऽभूत् तं पार्श्वनाथमनघं प्रयजे कुशाद्यै:।।३३।।
ॐ ह्रीं कमठकृतपैशाचिकोपद्रवजयनशीलाय क्लींमहाबीजाक्षरसहिताय श्रीपार्श्वनाथाय अर्घ्यम्।

धन्यास्त एव भुवनाधिप! ये त्रिसन्ध्य- माराधयन्ति विधिवद्विधुतान्यकृत्या:।
भक्त्योल्लसत्पुलक-पक्ष्मलदेहदेशा:, पादद्वयं तव विभो भुवि जन्मभाज:।।३४।।
पादारविन्दयुगलं प्रणमन्ति भक्त्या, यस्य प्रशान्तमनस: किल धर्मवन्त:।
सद्भक्तय: परिहृताखिल-गेह-कार्या-स्तं पार्श्वनाथमनघं प्रयजे कुशाद्यै:।।३४।।
ॐ ह्रीं धार्मिकवन्दिताय क्लींमहाबीजाक्षरसहिताय श्रीपार्श्वनाथाय अर्घ्यम्।

अस्मिन्नपारभववारिनिधौ मुनीश! मन्ये न मे श्रवणगोचरतां गतोऽसि।
आकर्णितेतु तव गोत्रपवित्रमन्त्रे, किं वा विपद्विषधरी सविधं समेति।।३५।।
यन्नाम नैवश्रुतमत्र जनेन येन, स प्रायशो हि भववारिनिधौ निमग्न:।
श्रुत्वा गत: शिवपुरं बहवस्त्रिशुद्ध्या, तं पार्श्वनाथमनघं प्रयजे कुशाद्यै:।।३५।।
ॐ ह्रीं पवित्रनामधेयाय क्लींमहाबीजाक्षरसहिताय श्रीपार्श्वनाथाय अर्घ्यम्।

जन्मान्तरेऽपि तव पादयुगं न देव, मन्ये मया महितमीहितदानदक्षम्।
तेनेह जन्मनि मुनीश: पराभवानां, जातो निकेतनमहं मथिताशयानाम्।।३६।।
यत्पादपज्र्जमलं न हि येन पूतं, संपूजितं जगति संसरणान्तरेऽपि।
दु:खाशिनां भवति सोऽग्रचर: सदैव, स्तं पार्श्वनाथमनघं प्रयजे कुशाद्यै:।।३६।।
ॐ ह्रीं पूतपादाय क्लींमहाबीजाक्षरसहिताय श्रीपार्श्वनाथाय अर्घ्यम्।

नूनं न मोहतिमिरावृतलोचनेन, पूर्वं विभो! सकृदपि प्रविलोकितोऽसि।
मर्माविधो विधुरयन्ति हि मामनर्था:, प्रोद्यत्प्रबन्धगतय: कथमन्यथैते।।३७।।
मोहान्धकारपटलावृतचक्षुषा यो, नैवेक्षितो भुवि जवञ्जवकूपगेन।
येनात्र तस्य मनुजत्वमलं निरर्थं, तं पार्श्वनाथमनघं प्रयजे कुशाद्यै:।।३७।।
ॐ ह्रीं दर्शनीयाय क्लींमहाबीजाक्षरसहिताय श्रीपार्श्वनाथाय अर्घ्यम्।

आकर्णितोऽपि महितोऽपि निरीक्षितोऽपि, नूनं च चेतस्िा मया विधृतोऽसि भक्त्या।
जातोऽस्मि तेन जनबान्धव! दु:खपात्रं, यस्मात्क्रिया: प्रतिफलन्ति न भावशून्या:।।३८।।
किं वा श्रुतोऽपि यदि येन सुपूजितोऽपि, कि वीक्षितोऽपि हृद्भक्तिभराद्धृतो न।
यस्तस्य नैव फलद: खलु हीनभक्ते-स्तं पार्श्वनाथमनघं प्रयजे कुशाद्यै:।।३८।।
ॐ ह्रीं भक्तिहीनजनमाध्यस्थाय क्लींमहाबीजाक्षरसहिताय श्रीपार्श्वनाथाय अर्घ्यम्।

त्वं नाथ! दु:खिजनवत्सल! हे शरण्य, कारुण्य-पुण्यवसते वशिनां वरेण्य?
भक्त्या नते मयि महेश? दयां विधाय, दुखाङ् कुरोद्दलनतत्परतां विधेहि।।३९।।
वात्सल्यवान् जननदु:ख-कदर्थितेषु, य: प्रत्यहं नत-जनेषु दयासमुद्र:।
सद्भक्तिभावकलितेषु भृशं शरण्य-स्तं पार्श्वनाथमनघं प्रयजे कुशाद्यै:।।३९।।
ॐ ह्रीं भक्तजनवत्सलाय क्लींमहाबीजाक्षरसहिताय श्रीपार्श्वनाथाय अर्घ्यम्।

नि:संख्यसारशरणं शरणं शरण्य-मासाद्य सादितरिपुप्रथितावदातम्।
त्वत्पादपज्र्जमपि प्रणिधानवन्ध्यो, वन्ध्योऽस्मि तद्भुवनपावन हा हतोऽमि।।४०।।
भूयिष्ठभाग्यसदनं मदनाग्निनीरं, यत्पादतामरसयुग्ममनल्पतेज:।
संपूज्य गच्छति जन: शिवतामनर्घ्यं, तं पार्श्वनाथमनघं प्रयजे कुशाद्यै:।।४०।।
ॐ ह्रीं सौभाग्यदायकपदकमलयुगाय क्लींमहाबीजाक्षरसहिताय श्रीपार्श्वनाथाय अर्घ्यम्।

देवेन्द्रवन्द्य; विदिताखिलवस्तुसार-संसारतारक? विभो भुवनाधिनाथ?
त्रायस्व देव करुणाहृद? मां पुनीहि, सीदन्तमद्य भयदव्यसनाम्बुराशे:।।४१।।
गीर्वाणनाथनुत-पादपयोजयुग्म-स्त्राता भवाम्बुनिधिमग्नशरीरभाजाम्।
य: सर्वलोक-परमार्थ-पदार्थवेदी, तं पार्श्वनाथमनघं प्रयजे कुशाद्यै:।।४१।।
ॐ ह्रीं सर्वपदार्थवेदिने क्लींमहाबीजाक्षरसहिताय श्रीपार्श्वनाथाय अर्घ्यम्।

यद्यस्ति नाथ; भवदङ्घ्रि-सरोरुहाणां, भक्ते: फलं किमपि सन्ततसञ्चिताया:।
तन्मे त्वदेकशरणस्य शरण्य? भूया:, स्वामी त्वमेव भुवनेऽत्र भवान्तरेऽपि।।४२।।
यत्पूर्वजन्मकृत-पुण्यवतां जनानां, संभाव्यते भवभवेऽपि हि यस्य सेवा।
उन्मार्गवासितवतां ननु पापभाजां, तं पार्श्वनाथमनघं प्रयजे कुशाद्यै:।।४२।।
ॐ ह्रीं पुण्यबहुजनसेव्याय क्लींमहाबीजाक्षरसहिताय श्रीपार्श्वनाथाय अर्घ्यम्।

इत्थं समाहितधियो विधिवज्जिनेन्द्र? सान्द्रोल्लसत्पुलककञ्चुकिताङ्गभागा:।
त्वद्बिम्बनिर्मलमुखाम्बुजबद्धलक्ष्या:, ये संस्तवं तव विभो? रचयन्ति भव्या:।।४३।।
यन्मूर्तिरम्यवदनाम्बुज-दत्त-नेत्रा, ये मानवा स्तुतिसुधारस-मापिबन्ति।
नूनं भवन्ति सततं मरणातिगास्ते, तं पार्श्वनाथमनघं प्रयजे कुशाद्यै:।।४३।।
ॐ ह्रीं जन्ममृत्युनिवारकाय क्लींमहाबीजाक्षरसहिताय श्रीपार्श्वनाथाय अर्घ्यम्।

(आर्या छंद)
जननयनकुमुदचन्द्र-प्रभास्वरा: स्वर्गसम्पदो भुक्त्वा।
ते विगलितमलनिचया, अचिरान्मोक्षं प्रपद्यन्ते।।४४।।
ये लोकनेत्र-कुमुदेन्दुनिभं प्रतुष्टा, संपूजयन्ति यमनन्तचतुष्टयाद्यम्।
ते मोक्षमव्ययपदं ध्रुवमाप्नुवन्ति, तं पार्श्वनाथमनघं प्रयजे कुशाद्यै:।।४४।।
ॐ ह्रीं कुमुदचन्द्रयतिसेवितपादाय क्लींमहाबीजाक्षरसहिताय श्रीपार्श्वनाथाय अर्घ्यम्।
(शालिनी छंद)
काशीदेशे वाराणसी-पुरेशो, यो बालत्वे प्राप्तवैराग्यभाव:।
देवेन्द्राद्यै: कीर्तितं तं जिनेन्द्र, पूर्णार्घ्येन प्रार्चये वार्मुखेन।।
ॐ ह्रीं सर्वगुणसम्पन्नाय क्लींमहाबीजाक्षरसहिताय श्रीपार्श्वनाथाय पूर्णार्घ्यम्।

समुच्चय जयमाला

शतमखनुतपादं, शान्तकर्मारिचक्रं,
शमदमयमगेहं, शज्र्रं सिद्धकार्यम्।
सरसिजदलनेत्रं, सर्वलोकान्तिकार्च्यं,
सकलगुणनिधानं, संस्तवे पार्श्वदेवम्।।
भवजलनिधि-पततामुत्तरणं, देवमनन्तगुणं जनशरणं।
चिद्रूपं बहुगुणसमुदायं, उत्तमगुणगण-हतभवपाशं।।
रम्यारम्य-गुणस्तवनीयं, कर्मबंध-निर्बन्धमजेयं।
दुष्टोपद्रव नाशन-वीरं, सुध्येयं जितमन्मथशूरं।।
गरिमाक्रोधमहानल-कुशदं, हृदि मृग्यं महतामतिविशदं।
कर्मदाहतीव्राग्नि-मतुल्यं, गतपरमात्मत्मपदं गतशल्यं।।
संसृतिविषहरणामृत-कूपं, पदनतनाग-नरामर-भूपं।
तुङ्गाशोक-महीरुह-सरितं, उद्गमवृष्टियुतं सुरमहितं।।
योजनमितदिव्यध्वनिननदं, सुरचामर-वीज्यं हतविपदं।
पीठत्रय-नायकमघमथनं, हरितविभावलय गुणसदनं।।
दानवारिदुन्दुभि-सद्ध्वानं, श्वेतातपवारण-गुणमानं।
मणिहेमार्जुन-शालत्रितयं, पदनतभक्त-जनावनसुदयं।।
पृष्ठलग्न-जनतारण-दक्षं, विस्मयनीयं हतमदकक्षं।
हतकमठोत्थापित-बहुधूलि, जितमुसलोपम-जलधारालिं।।
हतपैशाचिक विप्लवजालं, नतधर्मिष्ठजनं गुणमालं।
पूतनामधेयं शिवभाजं, वरपवित्रपादं जिनराजं।।
दर्शनीयमपहत घनपापं, भक्तिहीन-भविमध्यमरूपं।
भक्तिनम्रजन-वत्सलवन्तं, भूरिभाग्य-दायकमरिहन्तं।।
लोकालोक-पदार्थविवेद्यं, पदनतसुकृति-जनैरभिवन्द्यं।
जन्मजरा-मरणच्युतदेवं, ‘कुमुदचन्द्र’ यतिकृतपदसेवम्।।
(घत्ता)
विश्वादिसेनान्वयव्योमतिग्मं, सद्भव्यावारांनिधिधर्मचन्द्रं।
देवेन्द्रसत्कीर्तित-पादयुग्मं, श्रीपार्श्वनाथं प्रणमामिभक्त्या।।
ॐ ह्रीं श्रीं ऐं अर्हं क्रूरकमठोपद्रवजिनाय श्रीपार्श्वनाथाय जयमाला अर्घ्यं।
य: प्राग्विप्रइभोऽनुद्वादशदिवि, स्वर्गी तत: खेचर:।
पश्चादच्युतकल्पजो निधिपति: ग्रैवेयके मध्यमे।।
इन्द्रोऽभूत्तत ईशतां शुभवच:, आनन्दनामानते।
ग्रीर्वाणस्तत उग्रवंशतिलक:, पार्श्वेट् स वो रक्षतात्।।
।। इत्याशीर्वाद: परिपुष्पांजलिं क्षिपेत् ।।
गुणे वेदाङ्गचन्द्राब्दे, शाके फाल्गुनमासके।
कारंजाख्यपुरे नूनं, पूजेयं सुविनिर्मिता।।
इति श्रीबलात्कार-गच्छीयभट्टारकेन श्री मद्देवेन्द्रकीर्तिना विरचिता।।