श्री विमलनाथ स्तुति:

 श्री विमलनाथ स्तुति:

श्रीमान् विमलनाथस्त्वं, शून्य: कर्ममलादिभि:।
श्रीमद्विमलनाथं त्वां, नमंति त्रिदशाधिपा:।।१।।

श्रीमद् विमलनाथेन, स्वस्यात्मा विमलीकृत:।
तस्मै विमलनाथाय, नमोऽस्तु परमात्मने।।२।।

श्रीमद्विमलनाथाद् हि, नास्ति कश्चिद् हितंकर:।
श्रीमद्विमलनाथस्य, श्रयामि चरणद्वयम्।।३।।

श्रीमद्विमलनाथे मे, सर्वकालं रुचिर्भवेत्।
प्रभो! विमलनाथ! त्वं, मह्यं यच्छाचलं पदम्।।४।।