श्रीश्रेयांसजिनेन्द्रस्त्वं, श्रेयोमार्गविधायक:।
श्रीश्रेयांसजिनेन्द्रं त्वां, श्रित्वा मिथ्यात्वदूरगा:।।१।।
श्रीश्रेयांसजिनेन्द्रेण, स्वरागाद्या: स्वयं हता:।
श्रीश्रेयांसजिनेन्द्राय, नमो नमोऽस्तु श्रद्धया।।२।।
श्रीश्रेयांसजिनेन्द्राद् हि-लब्धं रत्नत्रयं जनै:।
श्रीश्रेयांसजिनेन्द्रस्य, वाक्सुधा शिवदायिनी।।३।।
श्रीश्रेयांसजिनेन्द्रेऽस्मिन्, बहिरंत:-श्रिय: स्थिता:।
श्रीश्रेयांसजिनेन्द्र! त्वं, यच्छ श्रेयस्करीं मतिम्।।४।।