श्री सुपार्श्वनाथ स्तुति:

 श्री सुपार्श्वनाथ स्तुति:

श्रीसुपार्श्वजिनो भव्यान्, स्वात्मपार्श्वं नयत्यमून्।
श्रीसुपार्श्वजिनं नित्यं, स्तुवन्ति गणनायका:।।१।।

श्रीसुपार्श्वजिनेनात्र, कर्मपाशच्छिद: स्वयं।
श्रीसुपार्श्वजिनायाद्य, कोटिशो मे नमो नम:।।२।।

श्रीसुपार्श्वजिनाद् भव्या:, कुदृक्पार्श्वात् विदूरगा:।
श्रीसुपार्श्वजिनस्य द्वौ, मार्गौ सन्मुक्तिपार्श्वगौ।।३।।

श्रीसुपार्श्वजिने पार्श्वे, मुनीन्द्रा नृसुरा: स्थिता:।
श्रीसुपार्श्वजिन! त्वं मे, मतिं स्वपार्श्वगां दिश।।४।।