Jambudweep - 7599289809
encyclopediaofjainism@gmail.com
About Us
YouTube

ॐ नम: सिद्धेभ्य:  श्री इन्द्रध्वज विधान प्रारम्भ

Workshop of Books

ॐ नम: सिद्धेभ्य: 
श्री इन्द्रध्वज विधान प्रारम्भ

सिद्धान् त्रैलोक्यमूर्धस्थान् नत्वा भक्त्या  शिवाप्तये।
इंद्रध्वजमहायज्ञं प्रारब्धुमेष प्रक्रमे ।।१।।
सिद्धेर्धाम भवार्तिदावशमनं पीयूषधारागृहम् ।
मोहध्वांतविदारकं सुखकरं, निर्वाणलक्ष्मीप्रियम् ।।
भक्त्यानम्य प्रमोदतो जिनपते: पादारिंवदद्वयम्।
तस्याग्रे जिनयज्ञवर्तनविधौ कुर्वे लतांताञ्जलिम् ।।२।।
(इति इन्द्रध्वज महायज्ञ प्रतिज्ञापनाय जिनप्रतिमाग्रे पुष्पाँजलि: )
भेरीमृदंगवीणादिघंटाटंकारनि: स्वनै: ।
वाद्योद्घोषं    प्रतन्वेऽहं  जिनपूजामहोत्सवे ।।३।।
(नाना प्रकार के बाजे बजावें)

मंगलस्तोत्रं

यावंति जिनचैत्यानि, विद्यंते भुवनत्रये।
तावंति सततं भक्त्या, त्रि:परीत्य नमाम्यहम् ।।४।।
मध्यलोके जिनेंद्राणामकृता ये जिनालया: ।व्
चतु:शतानि वंदे तान्, अष्टपंचाशदुत्तरं।।५।।
श्रीमेरौ गजदंतरूप्यगिरिवक्षारे कुलाद्रौ तथा।
जम्ब्वादिद्रुममानुषोत्तरनगेविष्वाकृतौ पर्वते।।
श्रीनंदीश्वरकुंडले च रूचके शैले हि चैत्यालया:।
तान् सर्वान् प्रणमामि भक्तिभरत: सर्वार्थसंसिद्धये।।६।।
अर्हंतो मंगलं कुर्यु:, सिद्धा: कुर्युश्च मंगलम्।
आचार्या: पाठकाश्चापि, साधवो मम मंगलम् ।।७।।
अकृता ये जिनागारा: त्रैलोक्यसंपदालया:।
स्वयंभुवां स्वयंसिद्धा:, कुर्वंतु मम मंगलम् ।।८।।
विघ्नानि घ्नंतु मे सर्वेऽमीप्सितार्थप्रदाश्च ते।
तुष्टिपुष्टिप्रदातार: कुर्वंतु मम मंगलम् ।।९।।
अकृतानि कृतानीह जिनबिंबानि सर्वत:।
स्वात्मसौख्यप्रदानि स्यु: कुर्युश्च मम मंगलम् ।।१०।।
जिनास्तत्प्रतिमाश्चापि तद् गेहास्तन्निषद्यका:।
ते ताश्च ते च ताश्चापि कुर्वंतु मम मंगलम् ।।११।।

(नमस्कार करें)

चतुर्णिकायदेवानां सर्वेन्द्रा: सपरिच्छदा: ।
देव्यो यक्षाश्च यक्ष्योऽपि, ते ताश् चाकारयाम्यहम्।।
युष्माभि: क्रियते यद्वत्, इन्द्रध्वजमहामह:।
ध्वजारोहणविध्यादि:, महावैभवसंयुतै:।।
तद्वन्मनाग् विध कर्तुमहमप्युत्सहे त्विह।
युष्मत्साहाय्यमासाद्य विधास्ये सफलं भवेत् ।।
शक्त्या बुद्ध्या च हीनोऽपि, भक्त्यैव प्रेरित: किल।
महाविधानमेतद्धि, करिष्ये तत्तु विस्मयं।।
एतैतात्र सकलेंद्रा: तिष्ठतात्रैव मण्डले।
इन्द्रध्वजाख्ययज्ञेऽस्मिन् वाद्योद्घोषादिमंगले।।
प्रत्यूहपरिहाराय धर्मप्रद्योतनाय  च।
स्वस्वयज्ञांशमादाय यज्ञांतं स्थीयतामिह।।
जिनभक्तिं प्रकुर्वाणा: रक्षां कुरुत सर्वत:।
बाधा न जातु बाधेरन् यूयं हि धर्मिवत्सला:।।

(इति मंडपान्त: पुष्पांजलि:)

Previous post ।। मंगलाचरण ।। इन्द्रध्वज विधान Next post अथ देवागमविधि: —अनुष्टुप् छंद—
Privacy Policy
error: Content is protected !!