बीस तीर्थंकर स्तुति:
अनादिनिधन मूलमंत्र
णमो अरिहंताणं, णमो सिद्धाणं, णमो आइरियाणं।
णमो उवज्झायाणं, णमो लोए सव्वसाहूणं।।
बीस तीर्थंकर स्तुति:
श्रीमान् सीमंधरो देव:, भगवान् युगमंधर:।
बाहुस्वामी सुबाहुश्च,श्रीसुजात: स्वयंप्रभु:।।१।।
वृषभाननतीर्थेशो-ऽ नंतवीर्य: जिनेश्वर:।
सूरिप्रभ: श्रीविशाल-कीर्तिर्वङ्काधरो जिन:।।२।।
चंद्राननो भद्रबाहु:, भुजंगमस्तथेश्वर:।
नेमिप्रभो वीरसेन:, महाभद्रो महानपि।।३।।
देवयशोऽजितवीर्यश्-चेत्येते विशतिर्जिना:।
कुर्वंतु मंगलं नित्यं, विद्यमाना विदेहजा:।।४।।
जम्बूद्वीपेऽथ मध्येऽस्ति, मेरो: पूर्वापरदिशो:।
पूर्वापरविदेहौ तन्-मध्ये नद्यौ च द्वे अपि।।५।।
ततश्चतुर्भागेष्वपि, चतुर्वक्षारशैलत:।
त्रिविभंगानदीभिश्चा-प्यष्टौ भागा विदेहके।।६।।
द्वािंत्रशत् ये विदेहो स्यु:, तावंत: प्रतिमेर्वपि।
विदेहनामक्षेत्राणि, षष्ट्युत्तरशतानि वै।।७।।
सीताया उत्तरे भागे, ह्यास्ते सीमंधरो जिन:।
दक्षिणे राजते चापि, युगमंधरतीर्थकृत्।।८।।
सीतोदापाचि श्रीबाहु:, सुबाहुरुत्तरे तटे।
प्रत्यहं विहरन्तो ये, कुर्युरत्रापि मंगलम्।।९।।
पंचमहाविदेहेषु, चतुश्चतुर्जिनेश्वरा:।
एवं विशतयोऽप्येते, विहरंति सदा भुवि।।१०।।
हीनादपिविशतियो, युगपत् चाधिका अपि।
सप्तत्युत्तरशतानि, तीर्थंकरा भवंत्यपि।।११।।
भरतैरावतस्थानां, संख्येयं दशमेलने।
तांस्तान् सर्वांश्च वंदेहं,ज्ञानमत्यै श्रियै ध्रुवं।।१२।।
केचिच्च द्वित्रिकल्याणा, अपि तत्र भवंत्यमी:।
सर्वे पुनंतु मे चित्तं, पंचकल्याणनायका:।।१३।।
स्तोत्रमेवं पठेन्नित्यं, दर्शनं प्राक् करोत्यसौ।
सीमंधरजिनस्यानु, सर्वकल्याणभाग् भवेत्।।१४।।
