Jinvani Stuti

Veer Himachal Te Nikasi Guru Gautam Ke Mukh Kund Dhari Hai,
Mohamahachal Bhed Chali Jag Ki Jartatap Door Kari Hai.
Gyanpayonidhi Manhi Rali Bahubhang Tarangani Son Uchhari Hai,
Ta Shuchi Sharad Gang Nadi Prati Main Anjuleekari Sheeshdhari Hai. (1)

वीर हिमाचल ते निकसी गुरु गौतम के मुख कुण्ड ढरी है।
मोहमहाचल भेद चली जग की जड़तातप दूर करी है।।
ज्ञानपयोनिधि मांहि रली बहुभंग तरंगनि सों उछरी है।
ता शुचि शारद गंग नदी प्रति मैं अंजुलीकरि शीशधरी है।।१।।

Ya Jagmandir Men Anivar Agyan Andher Chhayo Atibhari,
Shri Jinaki Dhunideep Shikhasam Jo Nahin Hot Prakashanhari.
To Kis Bhanti Padarath Panti Kahan Lahate Rahate Avichari,
Ya Vidhi Sant Kahen Dhani Hain Dhani Hain Jin Bain Bare Upakari.(2)

या जगमंदिर में अनिवार अज्ञान अंधेर छयो अतिभारी।
श्री जिनकी धुनिदीप शिखासम जो नहिं होत प्रकाशनहारी।।
तो किस भांति पदारथ पांति कहाँ लहते रहते अविचारी।
या विधि संत कहें धनि हैं धनि हैं जिन बैन बड़े उपकारी।।२।।

Doha
Ja Vani Ke Gyan Ten, Sujhe Lokalok,
So Vani Mastak Chadho, Sada Det Hun Dhok.

दोहा
जा वाणी के ज्ञान तें, सूझे लोकालोक।
सो वाणी मस्तक चढ़ो, सदा देत हूँ धोक।।