श्री षट्खण्डागम स्तुति

श्री षट्खण्डागम स्तुति

(सप्तविभक्ति समन्वित)

रचयित्री-गणिनी श्री ज्ञानमती माताजी

श्री षट्खण्डागमोग्रन्थ: ज्ञानवार्धि: सुरैर्नुत:।
श्री षट्खण्डागमं ग्रन्थं, स्तुवन्ति मुनिपुंगवा:।।१।।

श्री षट्खण्डागमेनात्र, ज्ञानदीधितय: स्फुटा:।
श्री षट्खण्डागमायास्मै, नमो मे कोटिशो मुदा।।२।।

श्री षट्खण्डागमात् सार:, पंचसंग्रह-नामत:।
श्री षट्खण्डागमस्याद्य टीकाद्वयं जगन्नुतं।।३।।

श्री षट्खण्डागमे बुद्धिरभीक्ष्णं मे भवेद् ध्रुवं।
श्री षट्खंडागम! त्वं मे देहि ज्ञानं सुकेवलम्।।४।।

श्री वीरस्याब्जसंभूता, गणाधीशावतारिता।
श्रीधरसेनसूरेश्च, शिष्यद्वयेन धारिता।।५।।

पुष्पदंत-भूतबली-मुनिभ्यां गुंफिताऽधुना।
धवलाटीकया सूरि:, वीरसेनो ददौ भुवि।।६।।

सिद्धांतचिंतामणि: सा, टीका मे स्थीयतामिह।
यावत्तावत् ज्ञानमती, केवलं नहि भूयताम्।।७।।