श्री नेमिनाथ स्तुति:

श्री नेमिनाथ स्तुति:

नेमिनाथो जिनेन्द्रस्त्वं, दीक्षालक्ष्मी: समाश्रित:।
नेमिनाथं नमामि त्वां, यमनियमप्राप्तये।।१।।

नेमिनाथेन लोकेऽस्मिन्, जीवदया प्रदर्शिता।
नेमिनाथाय भक्त्या मे, नमोऽस्तु कोटिकोटिश:।।२।।

नेमिनाथाद् महातीर्थं, ऊर्जयन्तं भुवि श्रुतं।
नेमिनाथस्य भक्ता हि, कृष्णहलभृदादय:।।३।।

नेमिनाथे मनो बद्धं, वरदत्तगणीश्वर:।
हे नेमिनाथ! मां पाहि, यथाख्यातं प्रयच्छ मे।।४।।