श्री आदिनाथ स्तुति: (सप्तविभक्ति समन्वित)

श्री आदिनाथ स्तुति:
(सप्तविभक्ति समन्वित)

(४)
-अनुष्टुप् छंद:-
आदिनाथो जगत्स्वामी, प्रथमस्तीर्थकृन्मत:।
आदिनाथमहं नित्य-माश्रयामि हितेच्छया।।१।।

आदिनाथेन सृष्टि: स्यात्, षट्स्वकर्मविधायिनी।
आदिनाथाय मे नित्य-मनंतशो नमो नम:।।२।।

आदिनाथाद् जिनो धर्म:, गृहि-मुन्योर्द्विभेदत:।
आदिनाथस्य पुत्रास्ते, शतैका हि शिवंगता:।।३।।

आदिनाथे स्थिरा बुद्धि:, मे स्याद् भवान्तकारिणी।
हे आदिनाथ! मां रक्ष, भवाद् भव्यांश्च सर्वदा।।४।।