लघु चारित्रभक्ति

व्रतसमुदयमूलः संयमस्कन्धबन्धो यमनियमपयोभिर्वर्धितः शीलशाखः।

समितिकलिकभारो गुप्तिगुप्तप्रवालो गुणकुसुमसुगन्धिः सत्तपश्चित्रपत्रः।।१।।

शिवसुखफलदायी यो दयाछाययौद्घः शुभजनपथिकानां खेदनोदे समर्थः।

दुरितरविजतापं प्रापयन्नन्तभावं स भवविभवहान्यै नोऽस्तु चारित्रवृक्षः।।२।।

चारित्रं सर्वजिनैश्चरितं प्रोक्तं च सर्वशिष्येभ्यः।

प्रणमामि पंचभेदं पंचमचारित्रलाभाय।।३।।

धर्मः सर्वसुखाकरो हितकरो धर्मं बुधाश्चिन्वते।

धर्मेणैव समाप्यते शिवसुखं धर्माय तस्मै नमः।।

धर्मान्नास्त्यपरःसुहृद्भवभृतां धर्मस्य मूलं दया।

धर्मे चित्तमहं दधे प्रतिदिनं हे धर्म! मां पालय।।४।।

धम्मो मंगलमुक्किट्ठं अहिंसा संजमो तवो ।

देवा वि तस्स पणमंति जस्स धम्मे सया मणो।।५।।

अथवा- तिस्रः सत्तमगुप्तयस्तनुमनोभाषानिमित्तोदयाः।

पंचेर्यादिसमाश्रयाः समितयः पंचव्रतानीत्यपि।।

चारित्रोपहितं त्रयोदशतयं पूर्वं न दृष्टं परैः

आचारं परमेष्ठिनो जिनपतेर्वीरं नमामो वयम् ।।

 अंचलिका

इच्छामि भन्ते! चारित्तभत्तिकाउस्सग्गो कओ तस्सालोचेउं। सम्मण्णाणुज्जोयस्स सम्मत्ताहिट्ठिस्स सव्वपहाणस्स णिव्वाणमग्गस्स कम्मणिज्जरफलस्स खमाहारस्स पंचमहव्वयसंपुण्णस्स तिगुत्तिगुत्तस्स पंचसमिदिजुत्तस्स णाणज्झाण-साहणस्स समयाइवपवेसयस्स सम्मचारित्तस्स, णिच्चकालं अंचेमि पूजेमि वन्दामि णमंसामि, दुक्खक्खओ, कम्मक्खओ, बोहिलाहो, सुगइगमणं, समाहिमरणं जिणगुणसंपत्ति होउ मज्झं।