१०८ आचार्य वीरसागर जी महाराज की पूजन
श्री विद्यावारिधि स्याद्वादवाचस्पति पं. खूबचन्द्र जी द्वारा विरचित
स्थापना श्रीमन् जितानंग विमुक्तसंग। श्री शांतिसूरीशपदाब्जभृंग।
श्री वीरसागरमुने निरपेक्षबन्धो।
त्वां पूजयामि गुणशीलसिद्ध्यै।।
ऊँ ह्रीं श्रीवीसागरस्वामिन् अत्रावतरावतर संवौष्ट्।
अत्र तिष्ठ तिष्ठ ठ:ठ:।।
अत्र मम सन्निहितो भव भव वषट्।।
हितमयै: सदयै वचनामृतैर्जयति तर्पयतो भविनां मन:।
मधुरशीतलसज्जलधारया, तव पदाम्बुजयुग्ममहं यजे।।
ऊँ ह्रीं श्रीवीरसागरस्वामिने जलं नि. स्वाहा।।१।।
दुरिततापहरैर्बचसां चयैर्दशदिशो भवता सुरभीकृता:।
इति पदाब्जयुगं तव पूजये मलयजैर्घनसारविमिश्रितै:।।
ऊँ ह्रीं श्रीवीरसागरस्वामिने चंदनं नि. स्वाहा।।२।।
जिनवचोऽक्षततत्त्वमसंभ्रमं वपुसि वाचि च चेतसि ते स्थितम्।
अहमतोऽक्षतशालिजतन्दुलान् सविनयं पुरतां भवतोऽर्पये।।
ऊँ ह्रीं श्री वीरसागरस्वामिने अक्षतं नि. स्वाहा।।३।।
अयि कुमारयते विजितस्त्वया मकरकेतुरलं जगतोजयी।
इति तदीयशरानिव ते पुर: परिदधे सुरभीन् कुसुमोत्करान्।।
ऊँ ह्री श्रीवीरसागरस्वामिने पुष्पं नि. स्वाहा।।४।।
विरसभुक्तिरतस्य तपस्विनो रसवतीषु विधासु न ते स्पृहा।
तदपि भक्तिवशेन सम्पर्यते बहुविध: सधृत: सरसश्चरु:।।
ऊँ ह्रीं श्रीवीरसागरस्वामिने नैवेद्यं नि. स्वाहा।।५।।
विषयमुग्धमर्तििह कलौ जन: निबिडमोहतमावृतलोचन:।
कथमिवात्मिंहत नु विलोकयेदिति यजे चरणौ तव दीपवै:।।
ऊँ ह्रीं श्रीवीरसागरस्वामिने दीपं नि. स्वाहा।।६।।
अविरतं तु यते यतते भवांस्तपसि पापविधीन्धनवन्हिमे।
इति यजे सुरभीकृतदिक्चयैस्तवपदाब्जयुगं शुचिधूपवै:।।
ऊँ ह्री श्रीवीरसागरस्वामिने धूपं नि. स्वाहा।।७।।
सुरनरेंद्रविभूतिषु निस्पृह: परममुक्तिमारतिलालस:।सरसपक्कफलै: शुचिभिर्वरै: तव पदाब्जयुगं परिपूजये।।
ऊँ ह्रीं श्रीवीरसागराचमिने फलं नि. स्वाहा।।८।।
अनघ ते पदपंकजवासिनीम् श्रियमनध्र्यंपदाय तपस्यत:।
जलफलादिकमंगलद्रव्यवै: शुचिमना: मुखदामवतारये।।
ऊँ ह्रीं श्रीवीरसागरस्वामिने अर्घं नि. स्वाहा।।९।।
अथ जयमाला
दुष्कर्मणां लवित्री या, सावित्री पुण्यकर्मणां। तां कृत्वाष्टतयीमिष्टिं, विदधामि गुणस्तवम्।।
पुष्पांजलि:।।
हतमिथ्यात्वसपत्न: भस्मीकृतरागरोषभय भवन:।
परिर्मिदतमदवदन: स जयतु वीरोऽद्भुत सदय:।।
रत्नत्रयत्रिशूल: निष्प्राणितपंचकरणदैत्यगण:।
शल्यग्रामविदाही ससमितिगौर्या: पति: पायात्।।
किन्नु हृषीकेशोऽयं य: सदूर्शनसुदर्शन: श्रीमान्।
दुष्कर्मणि बैकुण्ठ: कदाचिदित्थं प्रतक्र्यते प्राज्ञै:।।
वेदार्थं दिशति सदा पद्मास: स्वात्मजानुभूतिरत:।
सेवितदण्डकमण्डलुरजायते सृष्टिगीतयशा:।।
सफलितसज्जातिलत: पल्लविताचार्यशांतिवंशतति:।
विकसितभव्याब्जवन: सुरभौकृतसाधुसन्मार्ग:।।
न्यक्कारितरतिरमणो धिक्कारितकुमतिमामिनीकांत:।
हतकौटिल्यविडाल: पददलितालंघ्यकलिकाल:।।
व्रतसमितीन्द्रियरोधावश्यकनाग्न्याद्यपूर्वशास्त्रधर:।
मोहक्षोभविपक्षक्षोदनदक्षोऽद्भुतो वीर:।।
ढ़मर्यादितवृत्तिगंभीरहृद्य: समिद्धसद् ध्वान:।
य: सागरो न नाम्नैव किन्तु रत्नाकर: स्पष्टम्।।
सुविदितशमदमसाम्य: स श्रीमान् वीरसागरो जयतु।
चारित्रचक्रवर्ती यस्य गुरु: शांतिसागर: सूरि:।।
ऊँ ह्रीं श्रीवीरसागरस्वामिने जयमाला अर्घं नि. स्वाहा।
अथ प्रशस्ति
वीरग्रामायवास्तव्य औरंगाबादमंडले।
जात्या खंडेलवालो यो गंगवालस्तु गोत्रत:।।
सद्गृहस्थ सखाराम: पिता तु जननी मता।
काशलीवालगोत्रीया भग्गूबाईति विश्रुता।।
नेत्राग्निनिधिबन्दब्द एतयो: कुलभूषण:।
नेत्राग्निनिधिबन्दब्द एतयो: कुलभूषण:।
लब्धवान् पुण्यवान् जन्म हीरालालाभिध: सुत:।।
शांतिसागरमाचार्य गत्वा नत्वा समच्र्यं स:।
वर्णी दिगम्बरो जात: वीरसागरसंज्ञक:।।
देशे देशे विहृत्यादिसागरेण समं दिशन्।
झालावंशीयभूपालपालितां पाटनाभिधाम्।।
विशालेन मनोज्ञेन भव्यानां मलहारिणा।
प्रभो: श्रीशांतिनाथस्य सच्चैत्येन पवित्रिताम्।।
सदार्योत्तमविख्यातपन्नालालप्रयत्नत:।
स्थापितेन सरस्वत्या भवनेनोपशोभिताम्।।
श्रद्धादिगुणसम्पन्नै: श्रीमद्भि:, श्राववैर्भृताम्।
पुरीं पूतां समासाद्य ससंघस्तां सुयोगत:।।
सुदैवेनेव भव्यानां घनकालेन चोदित:।
प्रतिष्ठापितवान् वर्षायोगं साध्येऽप्रमत्तधी:।
स निष्ठापितसद्योग: शमात्मा वीरसागर:।
सदा दिशतु श्रेयान्सि ससंघ: साधुसत्तम:।।
स जीयात् क्षुल्लको वर्णी कृताध्यात्मरुचिस्तराम्।
नानाग्रंथविमर्शेद्धबुद्धि: श्रीसिद्धसागर:।।
स वर्णी सूर्यमल्लोऽपि चिरंजीयात् पवित्रधी:।
यत्प्रेरितोऽकरोदेतां खूबचन्द्रो बुध: कृतिम्।।
