चैत्यभक्ति अपरनाम जयति भगवान महास्तोत्र (अध्याय १)
श्री महावीर स्तोत्र
-गणिनी ज्ञानमती
—स्रग्धरा छन्द—
श्रीमान् वीरोऽतिवीर: त्रिभुवनमहित: सौख्यरार्शििजनेन्द्र:।
यो जात: कुंडपर्यां भविकमलरवि: सोऽस्ति सिद्धार्थपुत्र:।।
आषाढ़े शुक्लषष्ठ्यां सुरनरविनुतो गर्भमायात् जनन्यां।
पित्रो: पूजां विदध्यु: किल दिविजगणा: रत्नधारा ववर्षु:।।१।।
चैत्रे शुक्ले जिनेश: त्रययुतदशमे पावने जायतेस्म।
हृदयै: संगीतवाद्यै: सुरगिरिशिखरे सोऽभिषिक्त: सुराद्यै:।।
मार्गे कृष्णे दशम्यां व्रतगुणमणिभिर्भूषितो जातरूप:।
ध्याने लीन: कदाचित् समदभवकृतस्तूपसर्गस्य जेता।।२।।
राधे शुक्लादशम्यां ग्रसितकलितमा: उद्ययौ ज्ञानसूर्य:।
लोकालोकप्रकाशी ह्यनवधिकिरणै: ध्वस्तमोहांधकार:।।
कृष्णस्याद्ये दिने ते किल नभसि महावीर ! दिव्यध्वनि: स्यात्।
त्वत्स्याद्वादामृतं भो: भवगदहरणं देव ! अद्यावधीह।।३।।
ऊर्जे कृष्णे निशांते चतुरधिदशमे वासरे मुक्तिमाप्नोत्।
पावापुर्यां च वीर: सहजसुखमय: सप्तहस्तोच्छ्रितोऽसौ।।
कौमार्ये ध्वस्तमार: भुवि किल चरमस्तीर्थकृन्नाथवंशी।
स्वर्णाभो वर्धमानो हतदुरितरवि: िंसहचिन्हेन ज्ञात:।।४।।
मातंगो यक्षदेवो जिनवचनरता सात्र सिद्धायिनी च।
ताभ्यां ते पादपद्मं विजितभव ! सदापूजितं विश्ववंद्यं।।
त्रैलोक्येशं जिनं त्वामहमपि सततं सन्मते ! वीर ! वंदे।
याचेऽहं तत्फलं भो:! जिनगुणभृत्संपदं देहि मह्यं।।५।।
—अनुष्टुप् छन्द—
वर्षद्वासप्ततेरायु: त्रिशलानंदनो जिन:।
भक्त्यानिशं स्तवीमि, त्वां ज्ञानमत्यै श्रियै त्वरं।।६।।
