गणिनीप्रमुख आर्यिकाशिरोमणि श्री ज्ञानमतीमातु: पवित्रगुर्वावलि:
निजकेवलज्ञानज्योतिषा त्रिलोकवर्तिचराचरसमस्तपदार्थानां हस्तामलकवत् जानंति वृषभादय: चतुर्विंशतितीर्थंकरा:।
तीर्थस्य अविच्छिन्न-परम्परायां सम्प्रति श्रीवर्धमानभगवत: सार्वभौमशासनं वर्धते।
तस्यैव वीरजिनेन्द्रस्य शासनकाले श्रीकुन्दकुन्दाम्नाये मूलसंघे सरस्वतीगच्छे बलात्कारगणे चारित्रचक्रवर्ती श्रीशांतिसागराचार्यवर्यस्तत्प्रथमपट्टाधीशो आचार्य: श्रीवीरसागरमुनीन्द्रोऽस्य करकमलात् ‘‘वीराब्दे (२४८२) द्व्यशीत्यधिकचतुर्विंशतिशततमे वर्षे बैशाखमासे कृष्णपक्षे द्वितीयातिथौ राजस्थानप्रान्तस्य माधोराजपुरापत्तने’’ सुदीक्षिता महासाध्वी आर्यिका श्री ज्ञानमती माता इह जगति चिरकालपर्यंतं भव्यप्राणिनां कल्याणं कुर्यात् सम्यग्ज्ञानप्रकाशं च कुर्यात्।
अधुना- वीराब्दे द्वात्रिंशदधिकपंचविंशतिशततमे वर्षे वैशाखकृष्ण द्वितीयायां तिथौ शनिवासरे मातु: आर्यिकादीक्षास्वर्णजयन्त्यवसरे भाक्तिकजना: गुणानुरागवशात् गणिनी ज्ञानमतीगौरव ग्रंथस्य प्रकाशनं कृत्वा अस्या: जगन्मातु: करकमलयो: समर्पयन्ति।
निजख्यातिलाभपूजाभ्य: दूरीभूत्वा गणिनीप्रमुखआर्यिकाशिरोमणिश्रीज्ञानमती माता ज्ञानध्यानतपोरक्ता विराजिता।
मातु:ज्ञानप्रकाशिकादृष्टि:युगानुयुगपर्यन्तं वसुन्धरां विकासयेत्।
इति वर्धताम् गुरुशासनम्।
