लघु निर्वाणभक्ति

यत्रार्हतां गणभृतां श्रुतपारगाणां, निर्वाणभूमिरिह भारतवर्षजानाम् ।

तामद्य शुद्धमनसा क्रियया वचोभिः, संस्तोतु-मुद्यतमतिः परिणौमि भक्त्या।।१।।

इच्छामि भंत्ते! परिणिव्वाणभत्ति काउस्सग्गो कओ तस्सालोचेउं!

इमम्मि अवसप्पिणीये चउत्थसमयस्स पच्छिमे भाये।

आउट्ठमासहीणे वासचउक्कम्मि सेसकालम्मि।

पावाये णयरीए कत्तियमासस्स किण्हचउद्दसिए रत्तीए सादीए

णक्खत्ते पच्चूसे भयवदो महदि महावीरो वड्ढमाणो सिद्धिं गदो।

तिसुवि लोएसु भवणवासियवाणविंतरजोयिसियकप्पवासियंत्ति चउव्विहा देवा सपरिवारा दिव्वेण गंधेण, दिव्वेण पुप्फेण, दिव्वेण धूवेण, दिव्वेण चुण्णेण, दिव्वेण वासेण, दिव्वेण ण्हाणेण, णिच्चकालं अच्चंति, पूजंति, वंदंति, णमंसंति परिणिव्वाणमहाकल्लाणपुज्जं करेंति। अहमवि इह संतो तत्थ संताइं णिच्चकालं अंचेमि, पूजेमि, वंदामि, णमंसामि, दुक्खक्खओ, कम्मक्खओ, बोहिलाहो, सुगइगमणं, समाहिमरणं, जिणगुणसंपत्ति होउ मज्झं।