श्री ऋषभदेव स्तुति

September 28, 2022स्तुति

श्री ऋषभदेव स्तुति:

(दशावतारगर्भित)

-अनुष्टुप् छंद-

ऋषभेशं नमस्कृत्य, तस्यानंतगुणेष्वपि।
स्वल्पगुणान् समादाय, भक्त्या मोदात् स्तवीम्यहम्।।१।।

महाबलं नुमो नित्य-मतुल्यबलधारिणम्।
जन्मातिशयसंयुक्त-मादिनाथं शिवाप्तये।।२।।

अतीव सुंदरं रूपं, धारयन् वृषभेश्वर:।
ललितांगो जयत्वत्र, स्वात्मसौंदर्यवानपि।।३।।

वङ्कावत्स्थिरजंघाय, श्रेष्ठसंहननाय ते।
नमोऽस्तु वङ्काजंघाय, ऋषभाय स्वशक्तये।।४।।

अर्यते गुणवद्भिर्यो-ऽसावार्य: ऋषभो जिन:।
पूज्यस्तस्मै नमो नित्यं, नानर्द्धिगुणप्राप्तये।।५।।

अन्तर्लक्ष्मीधरोऽनन्त-गुणी बाह्यविभूतिमान्।
समवादिसृतेर्भर्ता, श्रीधराय नमोऽस्तु ते।।६।।

तीर्थकृत्प्रकृति: सुष्ठु, तां बद्ध्वा तीर्थनायक:।
युगादावादिब्रह्मा यस्तस्मै सुविधये नम:।।७।।

अच्युतो मरणातीतो, न च्युतो नहि जायते।
तस्येन्द्रो हि ‘जिनेन्द्र:’ स्यात्, तस्मै नित्यं नमोऽस्तु मे।।८।।

समचतुष्कसंस्थानं, दधानो वङ्कानाभिभाक्।
तस्मै नमोऽस्तु मे नित्यं, वङ्कानाभिजिनेशिने।।९।।

संपूर्णार्थस्य संसिद्धि-र्जाता यस्य जिनेशिन:।
सर्वार्थसिद्धिजं देवं, तं स्तुम: स्वार्थसिद्धये।।१०।।

पंचकल्याणकं वंदे, तीर्थेशां सर्वसौख्यदम्।
केवलमेककल्याणं, याचेऽहं देव! देहि मे।।११।।

गर्भवासमहद्दु:खाद्, भीत्याहं तद्विमुक्तये।
गर्भकल्याणकं स्तौमि, तीर्थेशामपुनर्भुवाम्।।१२।।

तीर्थकर्तृजिनेन्द्राणां, जन्मकल्याणकं नुवे।
पुनर्जन्म न मे भूयात्, याञ्चा एकैव त्वत्प्रभो:।।१३।।

विश्वस्रष्ट्रे जगद्भर्त्रे, ऋषभाय नमो नम:।
सर्वा विद्याकला यस्मा-दाविर्भूता महीतले।। १४।।

नमामि पुरुदेवस्य, दीक्षाकल्याणकं मुदा।
यतो दीक्षाफलं लप्स्ये, शीघ्रं भक्तिप्रसादत:।।१५।।

युगादौ मुनिचर्यां य:, चांद्रीचर्यां प्रदर्शयन्।
प्रथमाहारलाभं स:, समाप्नोत् हस्तिनापुरे।।१६।।

तं ऋषभेश्वरं नौमि, तृतीयामक्षयामपि।
हस्तिनागपुरं तीर्थं, स्तवीमि भक्तितोऽधुना।।१७।।

केवलज्ञानकल्याणं, प्राप्नोत् यो घातिकर्मभित्।
केवलज्ञानप्राप्त्यर्थं, केवलं ते नमो नम:।।१८।।

प्रभो: ऋषभदेवस्य, दिव्यध्वनिं नमाम्यहम्।
यत्प्रसादेन सोऽद्यापि, मोक्षमार्ग: प्रवर्तते।।१९।।

सर्वकर्मविनिर्मुक्त: प्राप्नोत् सिद्धालयं प्रभु:।
तल्लोकाग्र्यगमनार्थं, तस्मै मेऽनन्तशो नम:।।२०।।

युगादौ दर्शिता मोक्ष-मार्गस्य या परंपरा।
साद्यावध्यपि लोकेऽस्मिन्, वर्तते तां श्रयाम्यहम्।।२१।।

भरतं चक्रिणं नौमि, स्वात्मानं भावयन्नसौ।
दीक्षामादाय कैवल्यं, क्षणे लेभे जिनोऽभवत्।।२२।।

श्रीवृषभादिवीरान्ता-श्चतुर्विंशतयो जिना:।
सर्वसौख्यप्रदातार:, कुर्वन्तु मम मंगलम्।।२३।।

शासनाधिपतिं देवं, महावीरं नमाम्यहम्।
अहिंसा शासनं यस्य, सार्वमद्यापि वर्तते।।२४।।

प्रथमं तीर्थकर्तारं, वंदे भक्त्याप्यनन्तश:।
युष्मद् भक्ति: सदा मह्यं, दद्यात् ‘‘ज्ञानमती’’ श्रियम्।।२५।।

ये भी जानिए

ग्रन्थ

बाहरी कड़ियाँ –

विधान –

व्रत-

श्री ऋषभदेव व्रत पढ़ें

भजन –

भगवान ऋषभदेव से सम्बन्धित भजन

चालीसा –

वंदना –

आरती-

ऋषभदेव आरती

पूजाएँ –

ऋषभदेव पूजा

नाटक –

Tags: Stuti

Previous post श्री चन्द्रप्रभ स्तुति Next post समवसरण स्तुति