श्री मुनिसुव्रतनाथ जिनस्तोत्र

(सप्तविभक्ति समन्वित)

स्वगुणरुचिरै: रत्नै:, रत्नाकरो व्रतशीलभृत्।

समरसभरै: नीरै:, पूर्ण: महानिधिमान् पुमान्।।

त्रिभुवनगुरुर्विष्णु-र्ब्रह्मा शिवो जिनपुंगव:।

विगलितमहामोहोऽदोषो जिनो मुनिसुव्रत:।।१।।

कुसुमितलता वेल्लिता छंद-(१८ अक्षरी)

कर्तुस्तीर्थस्य, प्रणतदिविज: ते सुमित्र: पितासौ।

धन्या सोमा सा, त्रिभुवनगुरोर्जन्मदात्री प्रसिद्धा।।

गर्भे संयातो, द्वितयदिवसे, श्रावणे कृष्णपक्षे।

जातो वैशाखे, विगलिततमा: कृष्णपक्षे दशम्यां।।२।।

सिंहविक्रीडित छन्द:-(१८ अक्षरी)

व्रतगुणनिधिभृत् स वैशाखकृष्णे दशम्यां मुनि:।

सकलविमलबोधभास्वान् नवम्यां च तन्मासि वै।।

सुरनरमुनिभिर्नुता द्वादशी फाल्गुने तामसे।

शिवसुखसदनं श्रितस्त्वं सदा पाहि भो नाथ! मां।।३।।

अनुष्टुप् छन्द:-

त्रिंशत्सहस्रवर्षायुश्-चापविंशतिसम्मित:।

वैडूर्यमणिसच्छाय:, जिन: कच्छपलाञ्छन:।।४।।

जगति जने: पुरी, तव सुराजगृही प्रथिता।

बहुधनधारया, वसुमतीति मता भुवने।।

तव वचनामृतं, मम मन: सुपिबेत् नितरां।

जिन! चरणाम्बुजे खलु रमेत च ते सततं।।५।।

ये भी जानिए

• भगवान मुनिसुव्रतनाथ विधान
• भगवान श्री मुनिसुव्रतनाथ जिनपूजा
• भगवान श्री मुनिसुव्रतनाथ जिनपूजा
• मुनिसुव्रतनाथ पूजा
• भगवान मुनिसुव्रतनाथ वन्दना
• भगवान मुनिसुव्रतनाथ जन्मभूमि राजगृही तीर्थक्षेत्र चालीसा
• भगवान मुनिसुव्रतनाथ चालीसा
• शनिग्राहारिष्टनिवारक श्री मुनिसुव्रतनाथ चालीसा!
• मुनिसुव्रतनाथ भगवान की स्तुति
• श्री मुनिसुव्रतनाथ स्तुति:
• भगवान मुनिसुव्रतनाथ की जन्मभूमि राजगृही तीर्थ परिचय
• 20. भगवान मुनिसुव्रतनाथ परिचय
• तीर्थंकर मुनिसुव्रतनाथ जन्मभूमि राजगृही तीर्थ
• भगवान श्री मुनिसुव्रतनाथ की आरती