( ३१४)  नवप्रतिवासुदेव व्रतकथा.

या प्रमाणें पौर्णिमेपर्यंत आठ पूजा करून पौष कृ. १ दिवसीं या व्रताचे उद्यापन करावे. त्यावेळीं नवदेवताविधान करून महाभिषेक करावा. चतुःसंघास आहारादि दाने द्यावीत. व नऊ दंपतीस मोजन करवून त्यांच्या ओट्यांत नारळ, पानसुपारी, तांबूल, फुले, केळी वगैरे फळे वगैरे वस्तूं घालून त्यांचा सन्मान करावा. अत्ता या व्रताचा पूर्ण विधि आहे. आतां है व्रत पूर्वी ज्यांनीं यथाविधि पाळून सद्गति सुख मिळविले आहे, त्यांची कथा सांगतों. तें तुम्ही शांतचित्ताने ऐका –

विजयार्ध पर्वताच्या दक्षिणश्रेणीवर धान्यमलाट नांवाचा एक विस्तीर्ण देश आहे. त्यांत शोभावती नांवाची एक सुंदर नगरी आहे. तेथे पूर्वी प्रजापाल नांवाचा एक मोठा पराक्रमी, गुणवान् व धर्मनिष्ठ असा राजा राज्य करीत होता. त्याला श्रीदेवी नामक सौंदर्यवती, गुणवती व सुशील अशी राणी होती. हे सर्व परिवारासह सुखाने कालक्रमण करीत असतां, एके दिवशीं त्या नगराच्या उद्यानांत श्रीधराचार्य नामक महामुनिराज आपल्या संघांसह येऊन उतरले. है शुभवृत्त राजांस समजतांच तो आपल्या सर्व परिवारासह त्यांच्या दर्शनार्थ गेला. तेथे गेल्यावर तीन प्रदक्षिणापूर्वक वंदनादि करून त्यांच्या समीप जाऊन बसला. त्यांच्या मुखे कांहीं वेळ धर्मोपदेश श्रवण केल्यावर तो आपले दोन्हीं हात मोठ्या विनयाने जोडून त्यांना म्हणाला हे दयानिधे स्वामिन् ! आतां आम्हांस सर्वसुखपद असे एकादें व्रत-विधान कथन करावें. हे त्यांचे विनयपूर्ण वचन ऐकून ते मुनिराज त्याला म्हणाले, हे भव्योत्तम राजन् । आर्ता तुम्हांस नव प्रतिवासुदेव बत पालन करण्यास अति योग्य आहे. असे म्हणून त्यांनी त्या व्रताचा संपूर्णविधि सांगितला. तें ऐकून त्यांना मोठा संतोष झाला. मग त्यांनीं त्या मुनिराजांना प्रार्थना करून ते बउ घेतले. नंतर सर्वजन त्वांना वंदना करून आपल्या नगरी परत आले. पुढें योग्यकाळीं त्यांनीं तें व्रत यथाविधि पाळून त्याचे उद्यापन केले, त्यायोगाने त्यांना सर्वे सांसारिक सुखे मिळून शेवटीं मुक्तिनुखही प्राप्त झाले आहे. असे या व्रताचे माहात्म्य आहे.