Year: 2017

नव द्वीप समुद्रों के रक्षक देवों के नाम आदरअणादरक्खा जंबूदीवस्स अहिवई होंति। तह य पभासो पियदंसणो य लवणंबुरासिम्मि१।।३८।।  भुंजेदि प्पियणामा दंसणणामा य धादईसंडं। कालोदयस्स पहुणो कालमहाकालणामा य।।३९।। पउमो पुंडरियक्खो दीवं भुंजंति पोक्खरवरक्खं। चक्खुसुचक्खू पहुणो होंति य मणुसुत्तरगिरिस्स।।४०।। सिरिपहुसिरिधरणामा देवा पालंति पोक्खरसमुद्दं। वरुणो वरुणपहक्खो भुंजंते चारु वारुणीदीवं।।४१।। वारुणिवरजलहिपहू णामेणं मज्झमज्झिमा देवा। पंडुरयपुप्फदंता दीवं भुंजंति चारु खीरवरं।।४२।।…

नाभिगिरि पर जिनमंदिर हेमवदस्स य रुंदा चालसहस्सा य ऊणवीसहिदा। तस्स य उत्तरबाणो भरहसलागादु सत्तगुणा१।।१६९८।। अवसेसवण्णणाओ सरिसाओ सुसमदुस्समेणं पि। णवरि यवट्ठिदरूवं परिहीणं हाणिवड्ढीहि।।१७०३।। तक्खित्ते बहुमज्झे चेट्ठदि सद्दावणि त्ति णाभिगिरी। जोयणसहस्सउदओ तेत्तियवासो सरिसवट्टो।।१७०४।। १०००। १०००। सव्वस्स तस्स इगितीससयाइं तह य बासट्ठी। सो पल्लसरिसठाणो कणयमओ बट्टविजयड्ढो।।१७०५।। एक्कसहस्सं पणसयमेक्कसहस्सं च सगसया पण्णा। उदओ मुहभूमज्झिमवित्थारा तस्स धवलस्स।।१७०६।। १०००। ५००। १०००।…