Month: February 2023

श्री सरस्वती स्तुति: (सप्तविभक्ति समन्वित) सरस्वती जगन्माता, जिनवक्त्राम्बुजा सती। सरस्वती-मुपासन्ते, भक्त्या सर्वे मुनीश्वरा:।।१।। सरस्वत्या भुक्तिं मुक्तिं, प्राप्नुवन्त्यपि भाक्तिका:। सरस्वत्यै नमस्तुभ्यं, नमस्तुभ्य-मनन्तश:।।२।। सरस्वत्या: बुधा: भेद-ज्ञानमप्याप्नुवन्ति च। सरस्वत्या: प्रसादेन, तरन्ति भवसागरम्।।३।। सरस्वत्यां मतिं धृत्वाऽ-हर्निशं स्वात्मचिन्तनम्। सरस्वति! प्रसीद त्वं, मामनुगृह्य पालय।।४।।

श्री नवतीर्थंकर स्तुति: -अनुष्टुप् छंद- सिद्धान् सर्वान् नमस्कृत्य, सर्वसौख्यप्रदायकान्। नवग्रहस्य शान्त्यर्थं, नवतीर्थंकरान् स्तुवे।।१।। मुक्तिपद्मासुकांताय, पद्मप्रभ! नमोस्तु ते। आदित्यग्रहशान्त्यर्थं, निजलक्ष्म्यै नमो नम:।।२।। वागमृतकरैर्भव्य-पोषिणे जिनचंद्र! ते। नमो नमोऽस्तु चन्द्राय, सोमग्रहस्य शान्तये।।३।। वासुपूज्यो जगत्पूज्य:, पूज्यपूजातिदूरग:। १कुजग्रहस्य शांति: स्यात्, भवेत्तुभ्यं नमो नम:।।४।। कर्ममल्लभिदे तुभ्यं, मल्लिनाथ! नमो नम:। बुधग्रहस्य शान्त्यर्थं, भववल्लिभिदे नम:।।५।। वर्धमानो महावीरो-ऽतिवीरो सन्मतिर्जिन:। वीरनाथो नमस्तुभ्यं, गुरूग्रहस्य शान्तये।।६।। पुष्पदंतजिनेन्द्राय,...

श्री बाहुबलि स्वामी स्तुति: (सप्तविभक्ति समन्वित) बाहुबलि चक्रजित् त्वं, जैनी दीक्षां गृहीतवान्। बाहुबलिजिनं नौमि, स्वस्य कायबलर्द्धये।।१।। बाहुबलि-जिनेनात्र,   वर्षैकयोगमाश्रित:। बाहुबलिजिनायास्मै, नमोऽस्तु स्वात्मसिद्धये।।२।। बाहुबलिजिनादस्मात्, ध्यानसिद्धि: प्रजायते। बाहुबलिजिनस्येह, लोके बिम्बानि भान्त्यपि।।३।। बाहुबलिजिने भक्ति:, मे भूयात् शक्तिवर्धिनी। बाहुबलिजिन! त्वं मां, पाहि संसारवार्धित:।।४।।