Year: 2025

प्रथमाचार्य श्री शांतिसागर परम्पराचार्य वंदना अनुष्टुप् छंद- नमो वृषभसेनादि गौतमान्त्यगणेशिने। मूलोत्तरगुणाढ्याय, सर्वस्मै मुनये नम:।।१।। बसंततिलका छंद- श्रीशान्तिसागर! मुनीन्द्र! नमोऽस्तु तुभ्यं, सूरिस्त्वमेव प्रथम: किल संप्रतीह। पट्टाधिप: प्रथम एव च य: प्रसिद्ध:, तं वीरसागरगुरुं प्रणमामि भक्त्या।।२।। तुभ्यं नमोऽस्तु शिवसागर सूरिवर्य! श्री धर्मसिन्धु मुनिनाथ! नमोऽस्तु तुभ्यं। ख्यातो जगत्यजितसागरजातरूप:। श्रेयांससागरमुनीन्द्र! नमोऽस्तु तुभ्यं।।३।। अनुष्टुप् छंद- षष्ठ: पट्टाधिपोमान्यो, योऽभिनन्दनसागर:। भक्त्या नमामि…

आचार्य श्री देशभूषण स्तुति: -बसंततिलका छंद- कारुण्यपुण्यगुणरत्न – समुद्रसूरे!। संसार वारिनिधिपोत! जगत्प्रपूज्य!।। भव्याब्जभास्कर! ममाद्यगुरो! सुभक्त्या। भो देशभूषणमुनीन्द्र! नमाम्यहं त्वां।।१।। -अनुष्टुप्- जन्ममृत्युभयाद् भीतां तितीर्षंु भववारिधे:। हस्तावलंबनं दत्वा गृहकूपात् समुद्धृत:।।२।। आगमज्ञो गभीर:सन् उपसर्ग परीषहान्। सहिष्णु: शान्तिमूर्तिस्त्वं सुजनप्रीणनक्षम:।।३।। स्मितास्य: क्रोधजिन्मोह मायामत्सरदूरग:। ध्यानाध्ययनयो: सक्तो विकथाशून्यमानस:।।४।। अनाद्यनिधनायोध्यापुर्या उद्धारको भवान्। विंशहस्तप्रभामूर्ते: पुरुदेवस्य कारक:।।५।। भाषाष्टादशविज्ञानी विद्वान् सार्वोपदेशक:। मनोज्ञो लोकविल्लोकप्रिय: सन्मार्गलोचन:।।६।। सर्वत्रभारते पद्भ्यां…

आचार्य श्री धर्मसागर स्तुति: सम्यक्त्वशीलगुणमण्डितपुण्यगात्र:। रत्नत्रयैकनिधिधारणपुण्यपात्रम्।। लेश्याविशुद्धपरिणामशुभोपयोगी। तं धर्मसागरमुनीन्द्रमहं प्रवन्दे।।१।। मिथ्यात्वशत्रुमदमर्दनधीरवीर:। क्रोधाद्यमित्रवशवर्तिविधायिशूर:।। क्षान्त्यादिधर्मदशधा परिपालयन् य:। तं धर्मसागरमुनीन्द्रमहं प्रवन्दे।।२।। मूलोत्तरान् गुणगणान् स्वयमेव धत्ते। शिष्यांश्च धारयति मुक्तिपथे धुरीण:।। सन्मार्गमादिशति सत्त्वहितैकबुद्ध्या। तं धर्मसागरमुनीन्द्रमहं प्रवन्दे।।३।। सिद्धांतशास्त्रपठने गुणने विपश्चित्। अध्यात्मतत्त्वकथने स्वपरात्मवेदी।। स्वात्मैकतत्त्वमनने सुसमाहितान्त:। तं धर्मसागरमुनीन्द्रमहं प्रवन्दे।।४।। पंचेन्द्रियस्य दमने कुशल: सुधीर:। संसारसिंधुतरणे निपुणो वरेण्य:।। अन्यांश्च तारयति पोतसमान एष:। तं धर्मसागरमुनीन्द्रमहं प्रवन्दे।।५।।…

चारित्रचूड़ामणि आचार्य श्री वीरसागर स्तुति: (सप्तविभक्ति समन्वित) श्रीवीरसागराचार्य:, पट्टसूरिर्हि विश्रुत:। श्रीवीरसागराचार्यं, वंदे भक्त्या पुन: पुन:।।१।। शिष्या: सुशिक्षिता: नित्यं, वीरसागरसूरिणा। नमोऽस्तु भक्तिभावेन, वीरसागरसूरये।।२।। श्रीवीरसागराचार्यात्, ख्याता पट्टपरम्परा। श्रीवीरसागरस्यापि, गांभीर्यादिगुणा: स्थिता:।।३।। श्रीवीरसागराचार्ये, विद्वान्सोऽपि नता मुदा। श्रीवीरसागराचार्य!, कृपां कृत्वा पुनीहि माम्।।४।। सम्यग्ज्ञानमतीप्राप्त्यै, केवलं त्वत्पदद्वयम्। आश्रयामि स्मरामि च, संततं भक्तिभावत:।।५।।

चारित्रचक्रवर्ती प्रथमाचार्य श्री शांतिसागर स्तुति: (सप्तविभक्ति समन्वित) श्रीशान्तिसागर: सूरि:, प्रथमाचार्य इष्यते। श्रीशान्तिसागराचार्यं, श्रयामि वृत्तलब्धये।।१।। श्रीशांतिसागरेणात्र, मुनिमार्ग: प्रदर्शित:। श्रीशान्तिसागरायाद्य, कोटिशो मे नमो नम:।।२।। श्रीशान्तिसागराचार्यात्, जाता धर्मप्रभावना। श्रीशान्तिसागरस्येह, भाक्तिका मोक्षमार्गिण:।।३।। श्रीशान्तिसागराचार्ये, समाविष्टा गुणा यते:। हे शान्तिसागराचार्य! मामुद्धर भवाब्धित:।।४।।

श्री बाहुबलि स्वामी स्तुति: (सप्तविभक्ति समन्वित) बाहुबली चक्रजित् त्वं, जैनीदीक्षां गृहीतवान्। बाहुबलिजिनं नौमि, स्वस्य कायबलर्द्धये।।१।। बाहुबलि जिनेनात्र, वर्षैकयोगमाश्रित:। बाहुबलिजिनायास्मै, नमोऽस्तु स्वात्मसिद्धये।।२।। बाहुबलिजिनादस्मात्, ध्यानसिद्धि: प्रजायते। बाहुबलिजिनस्येह, लोके बिम्बानि भान्त्यपि।।३।। बाहुबलिजिने भक्ति:, मे भूयात् शक्तिवर्धिनी। बाहुबलिजिन! त्वं मां, पाहि संसारवार्धित:।।४।।

श्री भरतस्वामी की स्तुति: (सप्तविभक्ति समन्वित) भरतश्चक्रवर्ती त्वं, षट्खंडविजयी महान्। भरतेश्वरमहं नौमि, भेदविज्ञानप्राप्तये।।१।। भरतेन सुकैवल्यं, प्राप्तं दीक्षाक्षणे त्वरं। भरतेशाय मे नित्यं, नमो नमोस्त्वनंतश:।।२।। भरतात् भारतं वर्षं, पुराणेषु प्रसिद्ध्यति। भरतस्य त्विदं क्षेत्रं, सर्वदा क्षेममाप्नुयात्।।३।। भरतेशे भवेद् भक्ति:, स्थिरा स्वपरज्ञानभाक्। भो! भरतेश! सिद्धात्मन्! स्वात्मसिद्धिं प्रयच्छ मे।।४।।

श्री ऋषभदेव स्तुति: (सप्तविभक्ति समन्वित) -अनुष्टुप् छंद:- प्रभु: ऋषभदेवस्त्वं, जगत्सृष्टा जगद्गुरू:। ऋषभदेवमानौमि, सर्वसिद्धिप्रदायकम्।।१।। हत: ऋषभदेवेन, स्वकर्मनिचय: स्वयं। नम: ऋषभदेवाय, धर्मतीर्थप्रवर्तिने।।२।। तीर्थं ऋषभदेवाद् हि, स्वर्गमोक्षविधायकम्। धर्म: ऋषभदेवस्य, साधुगृहि-द्विभेदत:।।३।। भक्तिं ऋषभदेवेऽहं, करोमि सर्वसौख्यदाम्। ऋषभदेव! मां रक्ष, निमज्जंतं भवाम्बुधौ।।४।।

पावापुरी सिद्धक्षेत्र वंदना…. रचयित्री-प्रज्ञाश्रमणी आर्यिका चंदनामती (स्रग्विणी छन्द) वंदना मैं करूँ पावापुर तीर्थ की, जो है निर्वाणभूमी महावीर की।। अर्चना मैं करूँ पावापुर तीर्थ की, जो है वैâवल्यभूमी गणाधीश की।। जैनशासन के चौबीसवें तीर्थंकर, जन्मे कुण्डलपुरी राजा सिद्धार्थ घर। रानी त्रिशला ने सपनों का फल पा लिया, बोलो जय त्रिशलानंदन महावीर की।।१।। वीर वैरागी बनकर…

कीर्तिस्तंभ वंदना…. श्री ऋषभदेव कीर्तिस्तंभ सुंदर, जिनवर कीर्ति बढ़ाता। शाश्वत जैनधर्म सुखदायी, यह संदेश सुनाता।। ऋषभदेव महावीर प्रभू को, नमूँ नमूँ भक्ती से। परमातमपद प्राप्ति हेतु मैं, गुण गाऊँ अति रुचि से।।१।। -दोहा- अग्रवाल जिनमंदिर के, प्रांगण में अतिशायि। कीर्तिस्तंभ जिनबिम्ब को, नमूँ सर्व सुखदायि।।२।।