रुचकवर पर्वत के जिनमंदिर
रुचकवर पर्वत के जिनमंदिर तक्वूडब्भंतरए चत्तारि हवंति सिद्धकूडाणिं। पुव्वसमाणं णिसहट्ठिदजिणपुरसरिसजिणणिकेदाणिं।।१६५।। दिसविदिसं तब्भाए चउ चउ अट्ठाणि सिद्धकूडाणिं। उच्छेदप्पहुदीए णिसहसमा केइ इच्छंति।।१६६।। लोयविणिच्छयकत्ता रुचकवरद्दिस्स वण्णणपयारं। अण्णेण सरूवेणं वक्खाणइ तं पयासेमि।।१६७।। होदि गिरि रुचकवरो रुंदो अंजणगिरिंदसमउदओ। बादालसहस्साणिं वासो सव्वत्थ दसधणो गाढो।।१६८।। ८४०००। ४२०००। १०००। कूडा णंदावत्तो सत्थियसिरिवच्छवड्ढमाणक्खा। तग्गिरिपुव्वदिसाए सहस्सरुंदं तदद्धउच्छेहो।।१६९।। एदेसु दिग्गजिंदा देवा णिवसंति एक्कपल्लाऊ। णामेहिं पउमुत्तरसुभद्दणीलंजणगिरीओ।।१७०।। तकूडब्भंतरए…
