Month: April 2023

पंचाचाराधिकार: पंचाचाराधिकारप्रतिपादनार्थं नमस्कारमाह– तिहुयणमन्दरमहिदे तिलोगबुद्धे तिलोगमत्थत्थे।तेलोक्कविदिदवीरे तिविहेण य पणिविदे सिद्धे।।१९८।। तिहुयणमंदरमहिदे–मन्दरे मेरौ महिता: पूजिता: स्नापिता: मन्दरमहिता: त्रयाणां भुवनानां लोकानां समाहारस्त्रिभुवनं तेन मन्दरमहितास्त्रिभुवनमन्दरमहिता:। अथवा त्रिभुवनस्य मन्दरा प्रधाना: सौधर्मेन्द्रादयस्तैर्महितांस्त्रिभुवनमन्दरमहितान्।। तिलोगबुद्धे–त्रिलोकानां त्रिलोकैर्वा बुद्धा ज्ञातार: ज्ञाता वा त्रिलोकबुद्धास्तांस्त्रिलोकबुद्धान्। तिलोगमत्थत्थे–त्रिलोकस्य मस्तकं सिद्धिक्षेत्रं तस्मिंस्तिष्ठन्तीति त्रिलोकमस्तकस्थास्तांस्त्रिलोकमस्तकस्थान् सिद्धिक्षेत्रस्थान्। तेलोक्कविदिदवीरे–त्रिषु लोकेषु विदित: ख्यातो वीरो वीर्यं येषां, अथवा त्रिलोकानां विदिता: प्रख्यातास्ते च ते वीरा: शूराश्च...

सामाचाराधिकार: एवं संक्षेपस्वरूपं प्रत्याख्यानमासन्नतममृत्योर्व्याख्याय यस्य पुन: सत्यायुषि निरतिचारं मूलगुणा निर्वहंति तस्य कथं प्रवृत्तिरिति पृष्टे तदर्थं चतुर्थमधिकारं सामाचाराख्यं नमस्कारपूर्वकमाह– तेलोक्कपूयणीए अरहंते वंदिऊण तिविहेण।वोच्छं सामाचारं समासदो आणुपुव्वीयं।।१२२।। तेलोक्कपूयणीए–त्रयाणां लोकानां भवनवासिमनुष्यदेवानां पूजनीया वन्दनीयास्त्रिलोकपूजनीयास्तान् त्रिकालग्रहणार्थमनीयेन निर्देश:। अरहंते–अर्हत: घातिचतुष्टयजेत¸न्। वंदिऊण–वन्दित्वा। तिविहेण–त्रिविधेन मनोवचनकायै:। वोच्छं–वक्ष्ये। सामाचारं–मूलगुणानुरूपमाचारं। समासदो–समासत: संक्षेपेण ‘काया:’ तस्। आणुपुव्वीयं–आनुपूर्व्या अनुक्रमेण। त्रिविधं व्याख्यानं भवति पूर्वानुपूर्व्या, पश्चादानुपूर्व्या यत्र तत्रानुपूर्व्या च। तत्र पूर्वानुपूर्व्या...