णमोकार मंत्र अनादि है-प्रमाण (षट्खण्डागम ग्रंथ-सिद्धान्तचिंतामणि टीका पुस्तक १ में)
णमोकार मंत्र अनादि है-प्रमाण (षट्खण्डागम ग्रंथ-सिद्धान्तचिंतामणि टीका पुस्तक १ में) णमो अरिहंताणं, णमो सिद्धाणं, णमो आइरियाणं। णमो उवज्झायाणं, णमो लोए सव्व-साहूणं।।१।। सिद्धान्तचिंतामणिटीका-‘णमो’ इत्यादिपदखण्डनारूपेण व्याख्यानं क्रियते। णमो-नमस्कारोऽस्तु। केभ्य: ? अरिहंताणं-अर्हद्भ्य:। इत्यादि पंचपदेषु ज्ञातव्य:। ‘‘सर्वनमस्कारेष्वत्रतनसर्वलोकशब्दावन्त्यदीपकत्वादध्याहर्तव्यौ सकलक्षेत्रगत-त्रिकालगोचरार्हदादिदेवताप्रणमनार्थम्२।’’ इति न्यायेन णमो अरिहंताणं अस्यार्थ: सार्धद्वयद्वीपेषु सप्तत्यधिकशत-कर्मभूमिषु संजातेभ्यस्रिकालगोचरेभ्योऽर्हद्भ्यो नम:। णमो सिद्धाणं सकलकर्मभूमिभ्य: सिद्धपदप्राप्तेभ्य: संहरणसिद्धापेक्षया सार्धद्वयद्वीपद्वयसमुद्रेभ्य: सिद्धपदप्राप्तेभ्यश्च त्रिकालगोचरेभ्य: सिद्धेभ्यो नम:। णमो आइरियाणं…