अधोलोक के चैत्यवृक्ष भवनवासी देवों के जिनमंदिर
अधोलोक के चैत्यवृक्ष भवनवासी देवों के जिनमंदिर (तिलोयपण्णत्ती से) भव्वजणमोक्खजणणं मुणिंददेविंदपणदपयकमलं। णमिय अभिणंदणेसं भावणलोयं परूवेमो१।।१।। रयणप्पहपुढवीए खरभाए पंकबहुलभागम्मि। भवणसुराणं भवणाइं होतिं वररयणसोहाणि।।७।। सोलयसहस्समेत्तो खरभागो पंकबहुलभागो वि। चउसीदिसहस्साणिं जोयणलक्ख दुवे मिलिदा।।८।। १६०००।८४०००। असुरा णागसुवण्णा दीओवहिथणिदविज्जुदिसअग्गी। वाउकुमारा परया दसभेदा होंति भवणसुरा।।९।।। चूडामणिअहिगरुडा करिमयरा वड्ढमाणवज्जहरी। कलसो तुरवो मउडे कमसो चिण्हाणि एदाणि।।१०।। चउसट्ठी चउसीदी बावत्तरि होंति छस्सु ठाणेसु। छाहत्तरि…