Author: jambudweep

गंगाकूट पर भगवान की प्रतिमाएँ पउमस्स सिहरिजस्स य तिण्णेव महाणदी समुद्दिट्ठा। अवसेसाण दहाणं सरियाओ होेंति दो दो दु।।१४६।। गंगा पउमदहादो णिस्सरिदूणं तु तोरणदुवारे। पुव्वाभिमुहेण गया पंचेव य जोयणसदाणि।।१४७।। गंगावूडमपत्ता जोयणअद्धेण दक्खिणे वलिया। पंचेव जोयणसया तेवीसा अद्धकोसधिया।।१४८।। हिमवंतअंतमणिमयवरवूडमुहम्मि वसहरूवम्मि। पविसित्तु पडइ धारा सयजोयणतुंगससिधवला।।१४९।। छज्जोयण सक्कोसा पणालिया वित्थडा मुणेयव्वा। आयामेण य णेया वे कोसा तेत्तिया बहला।।१५०।। सिंगमुहकण्णजीहाणयणाभूयादिएहि…