योगिभक्ति!
प्राकृत योगिभक्ति थोस्सामि गुणधराणं, अणयाराणं गुणेहिं तच्चेहिं। अंजलि-मउलिय-हत्थो, अभिवंदंतो सविभवेण।।१।। सम्मं चेव य भावे, मिच्छाभावे तहेव बोधव्वा। चइऊण मिच्छभावे, सम्मम्मि उवट्ठिदे वंदे।।२।। दोदोसविप्पमुक्के, तिदंडविरदे तिसल्ल-परिसुद्धे। तिण्णिय-गारव-रहिये, तियरण-सुद्धे णमंसामि।।३।। चउविह-कसायमहणे, चउगइ-संसारगमण-भयभीए। पंचासव-पडिविरदे, पंचिंदिय-णिज्जिदे वंदे।।४।। छज्जीव-दयावण्णे, छडायदण-विवज्जिदे समिदभावे। सत्तभय-विप्पमुक्के, सत्ता-णभयंकरे वंदे।।५।। णट्ठट्ठ – मयट्ठाणे, पणट्ठ – कम्मट्ठ – णट्ठसंसारे। परमट्ठ – णिट्ठियट्ठे, अट्ठगुणड्ढीसरे वंदे।।।६।। णवबंभचेरगुत्ते, णवणय-सब्भावजाणगे वंदे।…