Category: स्वाध्याय करें

सुमेरु के सौमनसवन में ९ कूट हैं। सोमणसब्भंतरए पुव्वादिचउदिसासु चत्तारो। पुव्वं व सयलवण्णणवित्थारो तेसु णादव्वो१।।१९६८।। पत्तेक्वं जिणमंदिरसालाणं बाहिरम्मि चेट्ठंति। दोपासेसुं दोद्दो वूडा णामा वि ताण इमे।।१९६९।। णंदणणामा मंदरणिसहहिमा रजदरुजगणामा य। सायरचित्ता वज्जो पुव्वादिकमेण अक्खादा।।१९७०।। पणवीसब्भहियसयं वासो सिहरम्मि दुगुणिदो मूले। मूलसमो उच्छेहो पत्तेक्वं ताण वूडाणं।।१९७१।। १२५। २५०। २५०। वूडाणं मूलोवरिभागेसुं वेदियाओ दिव्वाओ। वररयणविरइदाओ पुव्वं पिव वण्णणजुदाओ।।१९७२।।...