Category: जिनेन्द्र भक्ति

प्राकृत निर्वाण भक्ति अट्ठावयम्मि उसहो, चंपाए वासुपुज्ज-जिणणाहो।उज्जंते णेमिजिणो, पावाए णिव्वुदो महावीरो।।१।। वीसं तु जिणविंरदा, अमरासुर-वंदिदा धुदकिलेसा।सम्मेदे गिरिसिहरे, णिव्वाण गया णमो तेसिं।।२।। सत्तेव य बलभद्दा, जदुव-णरिंदाण अट्ठकोडीओ।गजपंथे गिरिसिहरे, णिव्वाण गया णमो तेसिं।।३।। वरदत्तो य वरंगो, सायरदत्तो य तारवरणयरे।आहुट्ठयकोडीओ, णिव्वाण गया णमो तेसिंं।।४।। णेमिसामी पज्जुण्णो, संबुकुमारो तहेव अणिरुद्धो।बाहत्तरकोडीओ, उज्जंते सत्तसया सिद्धा।।५।। रामसुआ विण्णि जण्णा, लाड-णिंरदाण पंचकोडीओ।पावागिरिवर-सिहरे, णिव्वाण...

प्राकृत सिद्ध भक्ति अट्ठविह-कम्ममुक्के, अट्ठ-गुणड्ढे अणोवमे सिद्धे। अट्ठमपुढवि-णिविट्ठे, णिट्ठिय-कज्जे य वंदिमो णिच्चं।।१।। तित्थयरे-दरसिद्धे, जल-थल-आयासणिव्वुदे सिद्धे। अंतयडे-दरसिद्धे, उक्कस्स-जहण्ण-मज्झिमोगाहे।।२।। उड्ढ-मह-तिरियलोए, छव्विह-काले य णिव्वुदे सिद्धे। उवसग्ग-णिरुवसग्गे, दीवोदहि-णिव्वुदे य वंदामि।।३।। पच्छायडेय सिद्धे, दुग-तिग-चदुणाण-पंच-चदुर-जमे। परिपडिदा-परिपडिदे, संजम-सम्मत्त-णाण-मादीहिं।।४।। साहरणा-साहरणे, सम्मुग्घादेदरे य णिव्वादे। ठिदपलियंक-णिसण्णे, विगयमले परमणाणगे वंदे।।५।। पुंवेदं वेदंता, जे पुरिसा खवगसेढि-मारूढा। सेसोदयेण वि तहाज्झाणु-वजुत्ता य ते हु सिज्झंति।।६।। पत्तेयसयंबुद्धा, बोहियबुद्धा य होंति...